اقش مەملەكەتتىك دەپارتامەنتى بريتاندىق سولسبەري قالاسىندا سەرگەي سكريپال مەن ونىڭ قىزىنىڭ ۋلانۋىنا بايلانىستى رەسەيگە قارسى سانكتسيا ەنگىزدى.

رەسەيگە سالىنعان جاڭا شەكتەۋلەر 22 تامىزدا كۇشىنە ەنەدى. ول بويىنشا رەسەيگە تاۋار ەكسپورتتاۋعا تىيىم سالىنادى.

ەگەر ماسكەۋ ءۇش ايدىڭ ىشىندە حيميالىق قارۋ قولدانۋدى دوعارماسا، وندا رەسەيگە قارسى سانكتسيالاردىڭ ەكىنشى تولقىنى باستالادى، دەپ حابارلادى NBC. اتاپ ايتقاندا "اەروفلوت" كومپانياسىنا اقش-قا ۇشۋعا تىيىم سالىنادى.

4 ناۋرىزدا ورتالىق بارلاۋ باسقارماسىنىڭ بۇرىنعى قىزمەتكەرى سەرگەي سكريپال مەن ونىڭ قىزى يۋليا بريتاندىق سولبەري قالاسىنداعى سكۆەردە ەc-ءتۇسسىز جاتقان جەرىندە تابىلدى. ۇزاق ۋاقىت بويى ەم قابىلداعان ولار اۋرۋحانادان شىقتى. بريتان بيلىگى ولاردى قۇپيا جەرگە ورنالاستىرعان.

لوندون سكريپالگە شابۋىلدى كرەمل جاسادى دەپ ەسەپتەيدى، ويتكەنى ولارعا قولدانىلعان "نوۆيچوك" ۋى كسرو-دا جاسالعان. ماسكەۋ بۇل ايىپتاۋدى جوققا شىعارىپ وتىر.

“The Qazaq Times”