فوتو: "رافاح" كەدەندىك بەكەتى

گازا سەكتورىنداعى اكىمشىلىك باسشىلىقتى قولىنا العان  پالەستينالىق حاماس يزرايلمەن 5 جىل مەرزىمگە ءبىتىم جاساسۋعا كەلىستى. ونىڭ وتەۋى رەتىندە ولار يزرايل تاراپىن جاعالاۋ انكلاۆىن السىرەتۋگە كوندىرگەن. بۇل تۋرالى بۇگىن، 8 تامىز كۇنى «france24.com/fr» حاماس قوزعالىس باسشىلىعىنىڭ اقپارات كوزىنە سىلتەمە جاساپ حابارلايدى.

اگەنتتىكتىڭ حابارلاۋىنشا، «حاماس» قوزعالىسى يزرايلدىك تاراپپەن گازانىڭ قورشاۋىن السىرەتۋ شارتىمەن 5 جىل مەرزىمگە بىتىمگە كەلۋگە كەلىسكەن. حاماس وكىلدەرى جاقىن كۇندەرى مىسىر (ەگيپەت) مەن بۇۇ-نىڭ تاياۋشىعىستىق بەيبىتشىلىك جونىندەگى كوميتەتىن ءوز شەشىمىمەن حاباردار ەتۋگە نيەتتى.

اقپارات قۇرالدارىنىڭ حابارلاۋىنشا، ءبىتىم تۋرالى كەلىسىم مىسىرمەن شەكاراداعى «رافاح» كەدەندىك بەكەتىن تەك گازا تۇرعىندارىنىڭ ءوتۋىن عانا ەمەس، سەكتوردىڭ دامۋىنا قاجەتتى تاۋارلاردى تاسىمالداۋدى، سونىمەن قاتار،  بالىق شارۋاشىلىعى ءۇشىن جاعالاۋ ايماعىن كەڭەيتۋدى قامتيدى.

ايتا كەتۋ كەرەك، شىلدە ايىنىڭ سوڭىندا گازا سەكتورىنداعى احۋال شيەلەنىستى جاعدايعا جەتكەن ەدى. پالەستينالىقتار تاراپىنان يزرايلدىك پوليتسەي ولتىرىلگەننەن كەيىن ەۆرەي مەملەكەتى حاماس ۇيىمىنىڭ پالەستينالىق انكلاۆتاعى ونداعان نىسانىنا اۋە كۇشتەرى ارقىلى اۋقىمدى شابۋىلدار جاساعان بولاتىن. ەندى، بىتىسپەس شابۋىلعا ۇلاسقان ەكىجاقتى كيكىلجىڭدى 5 جىلعا بولسا دا توقتاتۋعا مۇمكىندىك تۋى مۇمكىن دەپ، ۇمىتتەنۋدە يزرايلدىك بيلىك.

“The Qazaq Times”