فوتو: موحامماد دجاۆاد زاريف

اقش تەھرانعا (تەگەرانعا) يراندىق نارىقتى تۇراقسىزداندىرۋ ماقساتىندا پسيحولوگيالىق قىسىم كورسەتۋدە. بۇل تۋرالى بۇگىن، 6 تامىز كۇنى يراننىڭ سىرتقى ساياسات ۆەدوموستۆاسىنىڭ باسشىسى موحامماد دجاۆاد زاريف مالىمدەدى، - دەپ جازادى جەرگىلىكتى «Al-Mayadeen» تەلەارناسى.

«يران نارىعىنا ىقپال ەتۋ ءۇشىن ۋاشينگتون قىسىم كورسەتىپ جاتقاندىقتان، بىزگە قىراعىلىق تانىتۋعا تۋرا كەلەدى»، - دەگەن زاريف. دەپۋتات سونىمەن قاتار، «قازىرگى قيىندىقتاردى ارتقا تاستاۋ يراننىڭ قولىنان كەلەدى»، - دەپ،  سەنىمدىلىك تە كورسەتكەن. سونىمەن قاتار، يراننىڭ ءسىم باسشىسى امەريكالىق بيلىكتىڭ يران حالقىنا قولداۋ كورسەتۋ تۋرالى مالىمدەمەسىن دە سىناعان. «ءبىز يران حالقىمەن بىرگەمىز دەيسىڭدەر. ولاي بولسا، نەلىكتەن سەندەردىڭ العاشقى سانكتسيالارىڭ ازاماتتىق اۆياتسيا سەكتورىنا قارسى باعىتتالدى؟»، - دەگەن ول. ەسكە سالايىق، بۇدان بۇرىن «Boeing» كومپانياسى اقش-تىڭ سانكتسيالارىنا بايلانىستى، يرانمەن جولاۋشىلار لاينەرىن جەتكىزۋ كەلىسىمشارتىنىڭ مىندەتتەرىن ورىنداۋدان باس تارتقان ەدى. بۇگىن، دۇيسەنبى كۇنى اقش-تىڭ مەملەكەتتىك حاتشىسى مايك پامپەو اقش-تىڭ «امەريكا بيلىگى يران حالقىنىڭ قىسىم كورسەتۋ مەن جەمقورلىققا قارسى نارازىلىق كورسەتۋ قۇقىقتارىنا قولداۋ كورسەتەدى» ، - دەگەن ەدى.

“The Qazaq Times”