قمدب رەسمي سايتىنىڭ حابارلاۋىنشا، 2018 جىلى ساۋد ارابيا كورولدىگىنىڭ قاجىلىق مينيسترلىگى قازاقستان ءۇشىن مەككەگە بارۋعا 3 مىڭ ادامعا كۆوتا بولگەن.

قاجىلىققا الماتى مەن استانادان جانە شىمكەنت پەن اقتاۋدان اۋە رەيستەرى ورىندالادى دەپ كۇتىلۋدە. ساپار قۇنى ءبىر ادامعا 5 مىڭ دوللار.

قاجىلىق پارىزىن وتەۋشى قازاقستاندىقتارعا 18 كومپانيا قىزمەت كورسەتەدى. ولاردى قازاقستان مۇسىلماندارى ءدىني باسقارماسىنىڭ قاجىلىق كوميسسياسى ىرىكتەگەن. مەككەگە اۋە رەيستەرى ەلىمىزدىڭ ءۇش مەگاپوليسىنەن جانە اقتاۋدان ورىندالادى.

جوسپار بويىنشا، قازاقستاندىقتار قاسيەتتى ورىندارعا 8-9 تامىزدا اتتانىپ، 1 قىركۇيەككە دەيىن ەلگە ورالۋى كەرەك. بيىلعى ساپار شىعىنى ءبىر ادامعا – 4-5 مىڭ دوللار شاماسىندا.

قاجىلارعا قىزمەت كورسەتۋگە ىرىكتەلگەن 18 كومپانيانىڭ جۇمىسىن ءدىني باسقارما جانىنداعى قاجىلىق كوميسسيا ءجىتى باقىلايدى. قاجىلىق پارىزىن وتەۋگە نيەت بىلدىرگەن قازاقستاندىقتاردىڭ اراسىندا 16-دان 89 جاسقا دەيىنگى ازاماتتار بار. كامەلەتكە تولماعاندار اتا-اناسىمەن بىرگە ءجۇرۋى ءتيىس.

بۇگىنگى كۇنى ۆيزا 1500 ادامعا دايىن.

“The Qazaq Times”