فوتو: EPA/UPG

امەريكا قۇراما شتاتتارى 1 تامىزدان باستاپ تۇركيالىق مينيسترلەرگە سانكتسيا ەنگىزگەننەن كەيىن تۇرىك ليراسى رەكوردتى كورسەتكىشكە دەيىن قۇلدىرادى، - دەپ حابارلايدى Reuters اگەنتتىگى.

«امەريكالىق پاستور ەندريۋ برانسونىڭ قاماۋعا الىنۋىنا بايلانىستى اق ءۇي تۇركيانىڭ ادىلەت ءمينيسترى ءابدۇلحاميد گۇل مەن سىرتقى ىستەر ءمينيسترى سۇلەيمەن سويلۋعا سانكتسيا ەنگىزگەننەن كەيىن تۇرىك ليراسى ەڭ تومەنگى رەكوردتى دەڭگەيگە جەتتى» ، - دەپ جازىلعان تۇركيا قارجى مينيسترلىگىنىڭ رەسمي مالىمدەمەسىندە.

ەستەرىڭىزگە سالساق، اقش-تىڭ قارجى مينيسترلىگى تۇركيانىڭ ەكى جوعارى شەندى تۇلعاسىنا سانكتسيا سالعان ەدى. اقش-تىڭ مۇنداي قادامعا بارۋىنا امەريكالىق پاستور ەندريۋ برانسوننىڭ تۇتقىندالۋى سەبەپ بولعان بولاتىن. تۇركيانىڭ يزمير قالاسىندا تۇراتىن پروتەستانتتىق پاستور 2016 جىلدىڭ سوڭىندا تۇركيادا تىيىم سالىنعان كۇرد جۇمىسشىلار پارتياسى مەن «فەتو» ۇيىمىنا قاتىسى بار دەگەن كۇدىكپەن قاماۋعا الىنعان. قازىرگى ۋاقىتتا ۇيقاماققا الىنعان ە.برانسونعا 35 جىلعا دەيىنگى باس بوستاندىعىنان ايىرىلۋ جازاسى كۇتىپ تۇر.

“The Qazaq Times”