اقش سەناتورلارى رەسەي ەكونوميكاسىن كۇيرەتەتىن سانكتسيالار ءتىزىمىن دايىنداۋدا

دجون ماككەين باستاعان اقش سەناتورلارى رەسەي ەكونوميكاسىن كۇيرەتەتىن سانكتسيالار ءتىزىمىن دايىنداۋدا – دەپ حابارلايدى نەمىس تولقىنى اقپارات اگەنتتىگى.

تامىز ايىنىڭ 2-ءى كۇنى سەناتور ليندسي گرەم جاريالاعان قۇجاتقا سايكەس، دجون ماككەين باستاعان سەناتورلار توبى رەسەيدىڭ اقش سايلاۋىنا ارالاسۋىنا قارسى، ءسۇريا مەن قىرىمداعى ارانداتۋ ارەكەتتەرىنە قارسى جاڭا سانكتسيالار ءتىزىمىن ازىرلەگەن. وندا اقش بۇدان بىلاي رەسەيدىڭ ساياسي تۇلعالارى مەن كومپانيالارىنا عانا ەمەس، مەملەكەتتىك قارىزدارىنىڭ ترانزاكتسيالارىنا، ەنەرگەتيكا جانە ينۆەستيتسيا سالالارىنا دا سانكتسيا سالاتىن بولادى دەلىنگەن.

بۇدان بولەك ءدال وسى كۇنى اقش ۇلتتىق بارلاۋ اگەنتتىگىنىڭ ديرەكتورى دەن كوۋتس: «رەسەي قاراشادا وتەتىن كونگرەسس سايلاۋى مەن 2020 جىلى وتەتىن پرەزيدەنت سايلاۋىنا كەدەرگى جاساۋىن قازىردەن باستاۋدا. ءبىز رەسەيدىڭ اقش-تى ءبولىپ-جارۋعا باعىتتالعان جۇمىستارىن باقىلاۋدا ۇستاپ وتىرمىز. بىزگە رەسەي حاكەرلەرىنىڭ شابۋىلدارى، ولاردىڭ سايلاۋعا تۇسەتىن ۇمىتكەرلەر مەن ۇكىمەت مۇشەلەرىنىڭ جەكە قۇجاتتارىن قولدى ەتۋ ءۇشىن جاساعان قادامدارىنىڭ بارلىعى بەلگىلى» - دەپ مالىمدەگەن.

“The Qazaq Times”