يران پارسى شىعاناعىنا قوجالىعىن ايگىلەيتىن اۋقىمدى اسكەري جاتتىعۋ وتكىزبەك

يران پارسى شىعاناعىندا اۋقىمدى اسكەري جاتتىعۋ وتكىزۋدى جوسپارلاپ وتىر. بۇل جاتتىعۋ يراننىڭ ورمۋز بۇعازىن تولىقتاي بۇعاتتاۋعا قابىلەتتىلىگىن ايگىلەمەك. يران تەڭىز كۇشتەرىنىڭ شارلاۋ بولىمدەرى سوڭعى كەزدە ورمۋز بۇعازىنداعى باقىلاۋدى كۇشەيتە تۇسكەن.

اقش-تىڭ ورتا شىعىستاعى اسكەري قولباسشىلىق باس شتاب قولباسشىسى پولكوۆنيك ەلبان بۇل تۋرالى سوزىندە: «ءبىز يراننىڭ پارسى شىعاناعىنداعى، ومان سۋلارىنداعى اسكەري قادامدارىن تۇسىنەمىز. ءبىزدىڭ ەڭ باستى نازاردا ۇستايتىنىمىز جانە وداقتاستارىمىزبەن سەلبەسە اتقاراتىن مىندەتىمىز اتالعان سۋ ايدىنىنداعى ناۆيگاتسيا ەركىندىگى مەن حالىقارالىق ساۋدا تاۋارلاردىڭ ەركىن اينالىمىن قامتاماسىز ەتۋ» – دەدى.

بۇل تۋرالى اقش-تىڭ CNN ارناسىنىڭ حابارىندا، يران قارۋلى كۇشتەرى 48 ساعات ىشىندە اسكەري جاتتىعۋدى باستاۋى مۇمكىن دەلىنگەن. سونداي-اق، جاتتىعۋعا يراننىڭ اۋە، قۇرلىق ارمياسى جانە زىمىران قورعانىس جۇيەلەرى دە قاتىساتىنىن حابارلادى.

ال، اقش ۇكىمەتىنىڭ لاۋازىمدىلارى Reuters اگەنتتىگىنە بەرگەن مالىمەتىندە، يران تەڭىز كۇشتەرى اسكەري جاتتىعۋعا 100-دەن استام كەمەلەرىن دايىنداپ وتىرعانىن ايتىلادى.

اقش پرەزيدەنتى ترامپتىڭ مامىر ايىندا يران يادرولىق كەلىسىمىنەن باس تارتۋ شەشىمىنەن كەيىن ەكى ەلدىڭ قارىم-قاتىناسى قايشىلىقتارعا جول الدى. سوڭعى كەزدەگى ەكى ەل ۇكىمەتىنىڭ كەزەكتەسكەن ايىپتاۋلارى، مالىمدەمەلەرى، سىن-پىكىرلەرى اقش-يران قايشىلىعىن ۋشىقتىردى. ەكى ەلدىڭ پرەزيدەنتتەرى اسكەري كۇش قولدانۋ ىستەرىندە اۋىزعا الدى. يراننىڭ كەزەكتى اسكەري جاتتىعۋى قايشىلىقتى ءتىپتى دە قابىندىرا ءتۇسۋى مۇمكىن.

“The Qazaq Times”