Iran teñiz küşterine qarastı şarlauşı kemeler. Foto: VOA.

Iran Parsı şığanağında auqımdı äskeri jattığu ötkizudi josparlap otır. Bwl jattığu Irannıñ Ormuz bwğazın tolıqtay bwğattauğa qabilettiligin äygilemek. Iran Teñiz küşteriniñ şarlau bölimderi soñğı kezde Ormuz bwğazındağı baqılaudı küşeyte tüsken.

AQŞ-tıñ Orta Şığıstağı äskeri qolbasşılıq bas ştab qolbasşısı polkovnik Elban bwl turalı sözinde: «Biz Irannıñ Parsı şığanağındağı, Oman sularındağı äskeri qadamdarın tüsinemiz. Bizdiñ eñ bastı nazarda wstaytınımız jäne odaqtastarımızben selbese atqaratın mindetimiz atalğan su aydınındağı navigaciya erkindigi men halıqaralıq sauda tauarlardıñ erkin aynalımın qamtamasız etu» – dedi.

Bwl turalı AQŞ-tıñ CNN arnasınıñ habarında, Iran qarulı küşteri 48 sağat işinde äskeri jattığudı bastauı mümkin delingen. Sonday-aq, jattığuğa Irannıñ äue, qwrlıq armiyası jäne zımıran qorğanıs jüyeleri de qatısatının habarladı.

Al, AQŞ ükimetiniñ lauazımdıları Reuters agenttigine bergen mälimetinde, Iran teñiz küşteri äskeri jattığuğa 100-den astam kemelerin dayındap otırğanın aytıladı.

AQŞ prezidenti Tramptıñ mamır ayında Iran yadrolıq kelisiminen bas tartu şeşiminen keyin eki eldiñ qarım-qatınası qayşılıqtarğa jol aldı. Soñğı kezdegi eki el ükimetiniñ kezektesken ayıptauları, mälimdemeleri, sın-pikirleri AQŞ-Iran qayşılığın uşıqtırdı. Eki eldiñ prezidentteri äskeri küş qoldanu isterinde auızğa aldı. Irannıñ kezekti äskeri jattığuı qayşılıqtı tipti de qabındıra tüsui mümkin.

“The Qazaq Times”