اياتوللا حامەنەي اقش-قا قاتاڭ ەسكەرتۋ جاسادى

يسلام رەۆوليۋتسياسىنىڭ مارتەبەلى جەتەكشىسى «يران حالقى 11-ءشى اقپاندا امەريكانىڭ قوقان-لوققىلارىنا جاۋاپ بەرەدى» دەدى. بۇل تۋرالى “فارس” ءباسپاسوزى حابارلادى.

يسلام رەۆوليۋتسياسىنىڭ مارتەبەلى جەتەكشىسى حازىرەت اياتوللا حامەنەي سەيسەنبى كۇنى ير ارمياسىنىڭ اۋە كۇشى مەن اۋە قورعانىس بازاسىنىڭ قولباسشىلارى مەن قىزمەتكەرلەرىن قابىلداۋدا: «امەريكانىڭ جاڭا پرەزيدەنتى ءوز ءسوزى جانە ىستەرىمەن امەريكانىڭ بيلىك اپپاراتىنىڭ جان-جاقتى تۇردە بۇزىلعانى تۋرالى يراننىڭ 38 جىل بويى ايتىپ كەلە جاتقان ءسوزىن اشكەرە تۇردە قوعامدىق پىكىرگە دالەلدەدى» دەدى.

حازىرەت اياتوللا ۋلۋزما حامەنەي امەريكانىڭ جاڭا پرەزيدەنتىنىڭ اقش- تىڭ بۇرىنعى ۇكىمەتىنە يراننىڭ العىس ايتۋ قاجەتتىگى نەگىزىندەگى سوزدەرىنە توقتالىپ: «اقش-تىڭ بۇرىنعى ۇكىمەتى يسلامدىق جۇيەنى تۇرالاتۋ ماقساتىندا  يرانعا قارسى اۋىر سانكتسيالار سالدى. بىراق، ول ماقساتىنا جەتپەدى. باسقا ەشبىر دۇشپان ءبىزدىڭ حالىققا سوققى بەرە المايدى» دەدى.

يسلام رەۆوليۋتسياسىنىڭ مارتەبەلى جەتەكشىسى يران ارمياسى اۋە كۇشى قىزمەتكەرلەرىنىڭ 1979 جىلى 8-ءشى اقپاندا حازىرەت يمام حومەينيمەن تاريحي سەرت بايلاسۋىنىڭ جىلدىعىندا ير ارمياسىنىڭ اۋە كۇشى مەن اۋە قورعانىس بازاسىنىڭ قولباسشىلارى مەن قىزمەتكەرلەرىن قابىلداۋدا سەرت بايلاسۋدى يسلام رەۆوليۋتسياسىنىڭ تاريحىنداعى شەشۋشى وقيعا دەپ اتاپ: «پەحلەۆي رەجيمى كەزىندە ارميانىڭ اۋە كۇشى امەريكاعا تاۋەلدى ساياسي جۇيەگە ەڭ جاقىن بولىمدەردىڭ ءبىرى بولدى. رەجيم ەشقاشان ويلامايتىن وسى بولىمنەن اۋىر سوققى جەدى. «شايتاندارعا» سەنۋ جانە يسلامدىق جۇيە مەن بيلىككە قارسى كىسىلەرگە ءۇمىت ارتۋ – ۇلكەن اعاتتىق» دەپ قۋاتتادى.

«The Qazaq Times»