رەسەي سانك- پەتەربورداعى ۇلىبريتانيا باس كونسۋلدىعىنىڭ جۇمىسىن رەسمي تۇردە توقتاتتى. بۇل تۋرالى ماسكەۋدەگى بريتان ەلشىلىگى  «Twitter» الەۋمەتتىك جەلىسىندە حابارلاۋدا.

«سانك- پەتەربورداعى ۇلىبريتانيا ەلشىلىگى رەسمي تۇردە جابىلدى. رەسەي ۇكىمەتى تاراپىنان بىزگە قارسى قابىلدانعان بۇل شەشىم سولسبەريدەگى وقيعادان كەيىن ورىن الۋدا» ، - دەلىنگەن ديپلوماتيالىق جازبادا. «دۇيسەنبى، 31 شىلدە كۇنى ۇلىبريتانيانىڭ سانك- پەتەربورداعى العاشقى جانە سوڭعى باس ەلشىسىنىڭ قاتىسۋىمەن ەلشىلىك تۋى تومەن ءتۇسىرىلدى» ،- دەگەن دە جازبا قالدىرعان ۆەدوموستۆو باسشىلىعى.

«ەadaily.com» اگەنتتىىنىڭ حابارلاۋىنشا، رەسەي تاراپى سانك-پەتەربورداعى باس ەلشىلىكتىڭ جۇمىسىن توقتاتۋ بۇيرىعىن بريتان ۇكىمەتىنىڭ رەسەيلىك بىرنەشە ديپلوماتتى ەلدەن قايتارۋ ارەكەتىنە جاۋاپ رەتىندە جاساعان. ال، لوندون بۇل قادامعا رەسەيدى سولسبەريدەگى وقيعاعا قاتىسى بار دەپ كىنالاعاندىقتان بارعان. الايدا، رەسەي بۇل ايىپتاۋدى ءۇزىلدى-كەسىلدى جوققا شىعارۋدا.

ەسكە سالايىق، وسى جىلدىڭ 17 ناۋرىزىندا رەسەي فەدەراتسياسىنىڭ سىرتقى ىستەر مينيسترلىگى بريتانيالىق 23 ديپلوماتتىڭ ەلدەن قايتارىلاتىنى جانە سانك-پەتەربورداعى ۇلىبريتانيا باس كونسۋلدىعىنىڭ جۇمىس ىستەۋىنە كەلىسەتىنى تۋرالى مالىمدەمە جاساعان ەدى.

“The Qazaq Times”