ەۋروپالىق كوميسسيا يسپانيانىڭ توتەنشە كومەك كورسەتۋ ءوتىنىشىن قاراستىرۋدا. يسپانيا مۇنداي قادامعا ەلدىڭ وڭتۇستىك جاعالاۋىنا كەلۋشى بوسقىندار سانىنىڭ ارتۋىنا بايلانىستى بارعان. بۇل تۋرالى يسپانيالىق «El Mundo» اقپارات قۇرالى ەو مالىمدەمەسىنە سىلتەمە جاساپ حابارلايدى.

«يسپانيا قوسىمشا توتەنشە كومەك سۇرادى»، - دەگەن ەۋروكوميسسيانىڭ ءباسپاسوز حاتشىسى ناتاشا بەرتو، كەڭەستىڭ ماۋسىم ايىنداعى سامميتىندە ەو ليدەرلەرىنىڭ يسپانياعا بۇرىنعىدان دا كوبىرەك قارجىلاي كومەك كورسەتۋدە ۋادە بەرگەنىن دە ايتتى. اتالعان باسىلىم يسپانيا ۆيتسە-پرەزيدەنتىنىڭ مالىمدەمەسىنە سىلتەمە جاساپ، مادريد ۇكىمەتىنىڭ 35 ملن.ەۋرو كولەمىندە قارجىلاي كومەك سۇراعانى تۋرالى دا جازدى.

ايتا كەتۋ كەرەك، يسپانيا بيلىگى سوڭعى ەكى كۇننىڭ ىشىندە 1 200-دەن استام بوسقىندى قابىلداعان. ولار تەڭىز ارقىلى افريكادان ەۋروپا جاعالاۋلارىنا جەتۋگە تىرىسقان. بوسقىندار جونىندەگى حالىقارالىق ۇيىمنىڭ مالىمەتىنشە، سوڭعى ۋاقىتتا يسپانيانىڭ جاعالاۋلارىنداعى ۋاقىتشا لاگەرلەرگە 19 580-نان استام بوسقىن ورنالاستىرىلعان.

“The Qazaq Times”