Фото: www.lci.fr

Еуропалық Комиссия Испанияның төтенше көмек көрсету өтінішін қарастыруда. Испания мұндай қадамға елдің оңтүстік жағалауына келуші босқындар санының артуына байланысты барған. Бұл туралы испаниялық «El Mundo» ақпарат құралы ЕО мәлімдемесіне сілтеме жасап хабарлайды.

«Испания қосымша төтенше көмек сұрады», - деген Еурокомиссияның баспасөз хатшысы Наташа Берто, Кеңестің маусым айындағы саммитінде ЕО лидерлерінің Испанияға бұрынғыдан да көбірек қаржылай көмек көрсетуде уәде бергенін де айтты. Аталған басылым Испания вице-президентінің мәлімдемесіне сілтеме жасап, Мадрид үкіметінің 35 млн.еуро көлемінде қаржылай көмек сұрағаны туралы да жазды.

Айта кету керек, Испания билігі соңғы екі күннің ішінде 1 200-ден астам босқынды қабылдаған. Олар теңіз арқылы Африкадан Еуропа жағалауларына жетуге тырысқан. Босқындар жөніндегі халықаралық ұйымның мәліметінше, соңғы уақытта Испанияның жағалауларындағы уақытша лагерьлерге 19 580-нан астам босқын орналастырылған.

“The Qazaq Times”