ەۋرووداق كەڭەسى يراكتىق ءتورت كومپانيانى قارا تىزىمنەن شىعاردى

ازىق-تۇلىك جانە تەمەكى ونىمدەرى سالاسىنداعى يراكتىق ءتورت كومپانيا ەۋرووداقتىڭ سانكتسيالارىنان بوساتىلدى. بۇل تۋرالى ەۋرووداق كەڭەسىنىڭ 30 شىلدەدەگى مالىمدەمەسىندە حابارلاندى، - دەپ جازادى eadaily.com.

قۇجاتتا 23 شىلدەدە يراك تەمەكى ءوندىرىسى كومپانياسى، قانت پەن ءسۇت ونىمدەرىمەن اينالىساتىن مەملەكەتتىك كومپانيالار، سونىمەن قاتار وسىمدىك مايىن ءوندىرۋشى مەملەكەتتىك كاسىپورىننىڭ ەو-نىڭ قارا تىزىمىنەن شىعارىلعانى ايتىلعان. اتالعان شەشىم 31 شىلدە كۇنى كۇشىنە ەنبەك. ەسكە سالا كەتەيىك، ەو كەڭەسىنىڭ يراكپەن اراداعى ەكونوميكالىق جانە قارجىلىق تۇرعىداعى كەلىسپەۋشىلىگى 2003 جىلى قابىلدانعان ەدى. سودان بەرى، ەو-عا وسى سانكتسيالاردى الىپ تاستاۋ تۋرالى بىرنەشە مارتە تالاپ تۇسىرگەنمەن، بۇل ۇسىنىستارى 15 جىل بويى كەرى قايتارىلعان بولاتىن.

“The Qazaq Times”