تۇركيا -قىتاي باسشىلارى كەزدەستى. فوتو: www.fmprc.gov.cn.

تۇركيا پرەزيدەنتى رەجەپ تايىپ ەردوعان مەن قىتاي توراعاسى شي جينپيڭ كەزدەستى. ولاردىڭ كەزدەسۋى وڭتۇستىك افريكا ەلى ۇيىمداستىرعان 10-شى رەتكى BRICS سامميتى اياسىندا ءوتتى. 

وڭتۇستىك افريكا جەرىنە رەسەي، قىتاي، برازيليا جانە ءۇندىستاننىڭ باسشىلارى ساپارلاي بارىپ، اتالعان سامميتكە قاتىستى. بۇل كوش باسىنداعى دامۋشى بەس ەلدىڭ اراسىندا وتەتىن ءداستۇرلى سامميت اتالعان ەلدەرگە ورتاق دامۋ جوبالارىن تالقىعا سالاتىن ءداستۇرلى باس قوسۋ.

ەردرعان مەن شي اراسىنداعى كەزدەسۋ 40 مينۋتقا جالعاسقان. ەكى ليدەر تۇرىك-قىتاي ەكونوميكالىق، ستراتەگيالىق قارىم-قاتىناستار تۋرالى كەڭەسكەن. سامميت اياسىندا ەردوعان رەسەي پرەزيدەنتى پۋتينمەن دە كەزدەسۋ وتكىزگەن. كەزدەسۋدە ەردوعان تۇركيا مەن رەسەي اراسىنداعى بايلانىستىڭ ايتارلىقتاي جوعارى دەڭگەيدە ەكەنىن ايتا كەلىپ: ء"تىپتى ءبىزدىڭ قارىم-قاتىناسىمىز بىرەۋلەردى قىزعاندىرادى", – دەگەن.  بۇدان وزگە دە جينالىستىڭ لاۋازىمدى قوناقتارى ءوز ارا كەزدەسۋلەر ۇيىمداستىرىپ ۇلگەرگەن.

“The Qazaq Times”