Түркия президенті Режеп Тайып Ердоған мен Қытай төрағасы Ши Жинпиң кездесті. Олардың кездесуі Оңтүстік Африка елі ұйымдастырған 10-шы реткі BRICS саммиты аясында өтті. 

Оңтүстік Африка жеріне Ресей, Қытай, Бразилия және Үндістанның басшылары сапарлай барып, аталған саммитке қатысты. Бұл көш басындағы дамушы бес елдің арасында өтетін дәстүрлі саммит аталған елдерге ортақ даму жобаларын талқыға салатын дәстүрлі бас қосу.

Ердрған мен Ши арасындағы кездесу 40 минутқа жалғасқан. Екі лидер түрік-қытай экономикалық, стратегиялық қарым-қатынастар туралы кеңескен. Саммит аясында Ердоған Ресей президенті Путинмен де кездесу өткізген. Кездесуде Ердоған Түркия мен Ресей арасындағы байланыстың айтарлықтай жоғары деңгейде екенін айта келіп: "Тіпті біздің қарым-қатынасымыз біреулерді қызғандырады", – деген.  Бұдан өзге де жиналыстың лауазымды қонақтары өз ара кездесулер ұйымдастырып үлгерген.

“The Qazaq Times”