فوتو: دەنيس تەن

دەنيس تەندى ولتىرگەن قىلمىسكەردى ماقتاعان فيزيكا ءپانىنىڭ مۇعالىمى تەك جۇمىسىنان ەمەس، باس بوستاندىعىنان دا ايىرىلۋى مۇمكىن. پوليتسەيلەر «ۇلتارالىق الاۋىزدىقتى ءورشىتۋ»  بابى بويىنشا قىلمىستىق ءىس قوزعاۋدا. ال، مەكتەپ باسشىلىعى ونىڭ جۇمىستان شىعارىلۋى مۇمكىن ەكەنىن جاسىرماعان. ورال قالاسىنا جاقىن ورنالاسقان بەلەس اۋىلى 25 جاستاعى مۇعالىم الەۋمەتتىك جەلىدە دەنيس تەنگە ءتىل تيگىزگەننەن كەيىن كوپشىلىكتىڭ نازارىنا ىلىگۋدە. بۇل تۋرالى حاباردى «ca-news.org» سايتى «31.kz»-كە سىلتەمە جاساپ حابارلايدى.

25 جاستاعى مۇعالىم وتكەن اپتادا قازا تاپقان سپورتشى دەنيس تەنمەن قوشتاسۋ ءراسىمى ءوتىپ جاتقاندا ونى ولتىرگەن قاسكويلەردى جاقتايتىنىن بىلدىرگەن. ونىڭ وسى ءسوزى حالىقتىڭ اشۋىنا ءتيىپ، اقىرى ول جۇرت الدىندا كەشىرىم سۇراۋعا ءماجبۇر بولعان. ارتىنشا، ول ءوزىنىڭ كىم تۋرالى جازعانىن بىلمەيتىنىن مالىمدەگەن. الايدا، بۇل داۋ ونىڭ كەشىرىم سۇراۋىمەن بىتپەدى. اتا-انالار ونىڭ جۇمىستان شىعارىلۋىن تالاپ ەتۋدە. ال، ءبىز اۋىز سوزىنەن وسىلاي وت شىعاتىنىن بولجاماعان شەرحان بايزەنوۆ جۇمىسىنان شىعۋعا دا رازى. بىراق، وعان «ۇلتارالىق الاۋىزدىقتى ءورشىتۋ» بابى بويىنشا ەكى جىلدان جەتى جىلعا دەيىنى باس بوستاندىعىنان ايىرىلۋ قاۋپى تونۋدە.

“The Qazaq Times”