«ءبىز اقش، ەۋروپا جانە ۇلىبريتانيانىڭ يرانعا قارسى سانكتسيالارىنا قوسىلۋعا مىندەتتى ەمەسپىز»، - دەپ مالىمدەدى تۇركيانىڭ سىرتقى ىستەر ءمينيسترى مەۆلۇت چاۆۋشوگلۋ. بۇل تۋرالى، liberation.fr حابارلايدى. 

سىرتقى ىستەر مينيسترلىگى وسىنداي مالىمدەمەنى ءازىربايجان استاناسى باكۋدە وتكەن ءباسپاسوز ءماسليحاتىندا جاسادى. «ءبىز اقش-تىڭ، ەۋروپانىڭ جانە ۇلىبريتانيانىڭ يرانعا قارسى سانكتسياسىنا قولداۋ كورسەتۋگە مىندەتتى ەمەسپىز. ءارى وعان قارسىمىز»، - دەدى چاۆۋشوگلۋ. ەسكە سالايىق، بۇعان دەيىن اقش-تىڭ مەملەكەتتىك دەپارتامەنتى ۋاشينگتونعا جاقتاس بارلىق ەلدەردى 2018 جىلدىڭ قاراشا ايىندا يران مۇنايىن ساتىپ الۋدان تولىقتاي باس تارتۋعا شاقىرعان ەدى. ونىڭ ۇستىنە، امەريكانىڭ مەملەكەتتىك حاتشىسى مايك پامپەو 4 قاراشادان باستاپ يران مۇنايىن تاسىمالداۋ ءىسىنىڭ ۋاشينگتون سانكتسيالارىن بۇزۋشىلىق بولىپ سانالاتىنىن مالىمدەگەن ەدى. ەندى، اق ءۇيدىڭ وسى شەشىمىنە ءار مەملەكەت وزىنشە باعا بەرىپ، ءوز ىڭعايىن تانىتۋدا. تۇركيانىڭ وسى ماسەلەدەگى ۇستانىمى انىقتالدى، ال وزگە ەلدەر قالاي قابىلداماق، ونى ۋاقىت كورسەتەدى.

“The Qazaq Times”