ماسا بەزگەك دەرتىن تاراتۋشىلاردىڭ ءبىرى. فوتو; indianexpress.com.

60 جىلدىق زەرتتەۋدىڭ ناتيجەسىندە اقش-تا العاش رەت بەزگەك ىندەتىنە قارسى ءونىمدى ءدارى جاسالىپ شىقتى. بۇل اتالعان جۇقپالى ءارى قاۋىپتى ىندەتتەن زارداپ شەگەتىن ەلدەر ءۇشىن ۇلكەن جاڭالىق بولماق. بۇل تۋرالى WSJ باسىلىمى سۇيىنشىلەگەن بولاتىن.

اسا قاۋىپتى ىندەتكە ارنالعان جاڭا ءدارى Tafenoquine دەپ اتالادى. وعان اقش-تاعى ازىق-تۇلىك پەن ءدارى-دارمەكتىڭ ساپاسىن باقىلاۋشى Food and Drug Administration «قولدانۋعا جارامدى» دەگەن قورىتىندىسىن شىعاردى.

بەزگەك اۋرۋىنىڭ «ءۇش كۇندىك بەزگەك» دەگەن لاقابى دا بار. زاردابى تىم قورقىنىشتى بۇل ىندەت سونا نەمەسە ماسا-شىركەيدىڭ شاعۋىنان جۇعادى. الەمدە جىلىنا 8,5 ملن ادام وسى دەرتكە شالدىعادى. ولاردىڭ ىشىندە كوز جۇماتىندار سانى تىم كوپ. تۇستىك افريكا كوڭىرىندە ەڭ كەڭ تاراعان ىندەت سانالادى. اسىرەسە، 12 جاسقا دەيىنگى بالالاردىڭ بەزگەك ىندەتىنەن كوز جۇمۋ كورسەتكىشى وتە جوعارى.

بەزگەك دەرتىنە قارسى كۇرەسۋ وتە قيىن. اۋرۋ ۆيرۋسى ادام دەنەسىنە جىل بويى ساقتالىپ، بەلگىلى ءبىر مەزگىلدەردە ارەكەتتەنەدى. ال Tafenoquine بولسا ادام دەنەسىندەگى پارازيتتەردى جوق قىلادى. عالىمدار ونىڭ بەزگەكپەن قوسا وزگە دە ىشكە قۇرتى سەكىلدى پارازيتتەردىڭ جينالۋىنان بولاتىن دەرتتەرگە قارسى ءونىمدى شارا ەكەنىن ايتادى.

“The Qazaq Times”