فوتو: بينيامين نەتانياحۋ

يزرايل رەسەيدىڭ يران مەن سۇرياعا قاتىستى ۇسىنىسىن كەرى قايتاردى. ايتا كەتۋ كەرەك، رەسەي يزرايلگە سۇريامەن شەكارادا 100 شاقىرىمدىق ايماق قۇرۋعا ۇسىنىس جاساعان ەدى. بۇل تۋرالى «Times of Israel»  حابارلايدى.

تەل-ءاۆيۆتىڭ بۇل ۇسىنىستى قابىلداماۋ سەبەبى — وسى ايماققا يراندىق اسكەريلەردىڭ كەلگەنىنە قارسى. نەگىزىنەن، يزرايل يران اسكەريلەرىنىڭ ءسۇريادا بولعانىنا قاشاننان قارسى. بۇعان دەيىن دە حابارلانعانداي، رەسەي مەن يزرايل وكىلدەرى 23 شىلدەدە كەزدەسكەن ەدى. رەسەيدىڭ سىرتقى ىستەر ءمينيسترى سەرگەي لاۆروۆ پەن ءيزرايلدىڭ پرەمەر-ءمينيسترى بينيامين نەتانياحۋ سۇرياداعى سوعىس تۋرالى سويلەسىپ، كەزدەسۋ سوڭىندا رەسەي تاراپى جوعارىداعىداي ۇسىنىس جاساعان بولاتىن. الايدا، يزرايل بۇل ۇسىنىستى قابىلدامادى.

 “The Qazaq Times”