ليۆيا ەو-نىڭ قارجىلىق تۇرعىدان كومەكتەسۋگە ۋادە ەتكەنىنە قاراماستان، ءوز تەرريتورياسىندا بوسقىنداردى اسىراۋ ورتالىقتارىن قۇرۋ تۋرالى جوسپارىن قابىلدامايتىنىن جاريالادى. بۇل تۋرالى ليۆيانىڭ پرەمەر-ءمينيسترى فايز سارادج مالىمدەدى، - دەپ حابارلايدى «24heures.ch» اگەنتتىگى.

«ءبىز ەۋروپا وداعىنىڭ وزگە ەلدەرى قابىلداماعان زاڭسىز بوسقىنداردى بىزگە ورنالاستىرۋ ۇسىنىسىنا تۇبەگەيلى قارسىمىز. كۇن سايىن ليۆيا جاعالاۋىندا جۇزدەگەن ادامدى قۇتقارامىز»، - دەگەن پرەمەر-مينيستر ليۆيانىڭ جاعالاۋ كۇزەتىنىڭ بوسقىندارعا كومەكتەسۋشى قۇتقارۋشىلارعا وق اتقانى تۋرالى اقپاراتتى تەرىسكە شىعاردى. ەسكە سالايىق، ليۆيا بوسقىنداردىڭ ەو-عا مۇشە ەلدەرگە اعىلۋىنىڭ باستى سەبەپكەرى بولىپ تابىلادى. بوسقىندار تۋرالى حالىقارالىق ۇيىمنىڭ مالىمەتىنشە، وسى جىلدىڭ 18 شىلدەسىندە دەيىن تەڭىز ارقىلى ەو ەلدەرىنە 51 مىڭ، 782 بوسقىن كەلگەن.

 

“The Qazaq Times”