اقش بارلاۋ اگەنتتىكتەرى رەسەيدى 2016 جىلداعى پرەزيدەنت سايلاۋىنا ارالاستى دەپ ايىپتايدى. فوتو: thehackernews.com.

اقش پەن رەسەي پرەزيدەنتتەرىنىڭ كەزدەسۋىنەن كەيىن، ەكى ەل اراسىندا تىم نازىك قايشىلىقتاردىڭ وتى قايتا قوزداي جونەلدى. ترامپ تاققا وتىرعاننان بەرگى كۇردەلى بولا تۇسكەن رف مەن اقش ماسەلەسى تاعى ءبىر رەت وتكىر تاقىرىپقا اينالىپ شىعا كەلدى. باق وكىلدەرى ترامپ پەن پۋتين اراسىنداعى قارىم-قاتىناستى سان-ساققا جۇگىرتىپ، 2016 جىلعى پرەزيدەنت سايلاۋداعى رەسەيدىڭ ارەكەتىن، باسقا دا قايشىلىقتاردى كۇن تارتىپكە قايتا الىپ قارادى.

 اقش فەدەرالدىق بارلاۋ باسقارماسىنىڭ (FBI) ديرەكتورى كريستوفەر رەيدىڭ ايتۋىنشا، رەسەي قازىرگە دەيىن قۇراما شتاتپەن «ساياسي ارازدىقتى ءورشىتىپ»، اسا سەزىمتال ماسەلەلەردە «اقش-قا قارسى ايلا-شارعى قولدانىپ كەلەدى». بۇل ويىن ول سارسەنبى كۇنى وتكەن قورعانىس قاۋىپسىزدىك فورۋمىندا ورتاعا سالدى.

كريستوفەر رەي سوزىندە: «ءبىز بەلگىلى ءبىر سايلاۋ ينفراقۇرىلىمىنا باعىتتالعان شابۋىلدى كورگەن جوقپىز. الايدا، مۇلدە باسقا ارەكەتتەردىڭ بار ەكەنى انىق. ايتالىق، اقش-قا قارسى قاستاندىق ارەكەتتەرى. رەسەيدىڭ مۇنداي ارەكەتتەرى تىم بەلسەندى كۇيدە، ءارى ءسات سايىن جاڭارتىلىپ وتىر. مەن ءۇشىن الىپ ايتقاندا، بۇل ەڭ ۇلكەن قاۋىپ، ءارى ءبىز ونى ەڭ ماڭىزدى ورىنعا قويۋعا ءتيىسپىز»، – دەگەن.

كريستوفەر رەيدىڭ بۇل مالىمدەمەسىنەن ءبىر كۇن بۇرىن، پرەزيدەنت ترامپ اقش بارلاۋ اگەنتتىكتەرىنىڭ رەسەيدى 2016 جىلعى پرەزيدەنت سايلاۋعا ارالاستى دەپ ايىپتاعانىن سىنعا الىپ ەدى. ترامپتىڭ ايتۋىنشا رەسەي ارەكەتتەرى اقش-تىڭ پرەزيدەنت سايلاۋىنا اسەر ەتپەگەن.

FBI باسىشىسى بولسا رەسەي پرەزيدەنتى ۆلاديمير ءپۋتيننىڭ دە ۇسىنىسىن جوققا شىعاردى. پۋتين اقش پرەزيدەنت سايلاۋىنا ارالاستى دەپ ايىپتالعان 12 رەسەيلىك قىزمەتكەردەن، وسى ءىستى تەرگەۋ بويىنشا جاۋاپ الۋعا بولاتىنىن ايتىپ ەدى. رەي بولسا وسىعان قاراما-قارسى كرەملدەن دە رەسەيدە ايىپتالعان امەريكالىق ديپلوماتيا قىزمەتكەرلەرىنەن جاۋاپ الۋدى تالاپ ەتكەن.

اق ءۇي تارابى اتالعان ماسەلەنى ءالى دە قاراستىرىپ جاتىر.

“The Qazaq Times”