فوتو: اندرەي كارلوۆ

تۇركيانىڭ قۇقىق قورعاۋ ورگاندارى انكاراداعى رەسەي ەلشىسى اندرەي كارلوۆتى ءولتىرۋ ىسىنە قاتىسى بار كۇدىكتىنى تۇتقىندادى، - دەپ حابارلايدى Anadolu.

كۇدىكتى تۇركيا استاناسى انكارادا ۇستالعان. تەرگەۋ كەزىندە ول وزىنە ارتىلعان كىنانىڭ ءبارىن جوققا شىعارعان. سوت ونى تەررورلىق توپتىڭ جۇمىستارىنا قاتىسقان دەگەن ايىپ تاعۋدا. ەسكە سالايىق، 2016 جىلدىڭ جەلتوقسان ايىندا زاماناۋي ونەر ورتالىعىندا وتكەن رەسەيلىك فوتوكورمەنىڭ اشىلۋ سالتاناتىندا رەسەيدىڭ تۇركياداعى ەلشىسى اندرەي كارلوۆ ولتىرىلگەن ەدى. ونى ولتىرگەن قىلمىسكەر وقيعا ورنىندا ۇستالعان بولاتىن.

“The Qazaq Times”