ەۋرووداق اقش-قا قارسى سالىق ەنگىزۋگە دايىن

ەۋرووداق باسشىلىعى ەو ەلدەرىنەن يمپورتتالاتىن اۆتوموبيل ونىمدەرىنە ۋاشينگتون تاراپىنان سالىق سالىنعان جاعدايدا ەنگىزىلۋى مۇمكىن كونترمەر ءتىزىمىن دايىنداۋدا. بۇل تۋرالى بۇگىن، 19 شىلدەدە ەو-نىڭ ساۋدا ىستەرى جونىندەگى كوميسسارى سەسيليا مالسمسترەم مالىمدەدى، - دەپ حابارلايدى «lemonde.fr».

بريۋسسەلدە وتكەن كونفەرەنتسيادا وسىنداي مالىمدەمە جاساعان س. مالسمسترەم، ەو-نىڭ رەسمي وكىلدەرىنىڭ ۋاشينگتونعا ساپارى اراداعى شيەلەنىستى رەتتەۋى مۇمكىن دەپ ۇمىتتەنەتىنىن دە ايتقان. «ەگەر، اقش اۆتوموبيل ونىمدەرىنە وسىنداي سالىق ەنگىزەتىن بولسا، ونىڭ سوڭى كەلەڭسىز جايتتارعا الىپ بارۋى مۇمكىن. ءبىز دە، ەو-عا مۇشە-ەلدەرمەن بىرلەسىپ قارسى شارا دايىندايمىز. ءبىز بۇنى امەريكالىق سەرىكتەستەرىمىزگە انىق بىلدىردىك. بۇل پروتسەسس بولات پەن اليۋميني سالىعى ەنگىزىلگەن كەزدەگىدەي سيپات الۋدا» ، - دەدى.

ايتا كەتۋ كەرەك، ەۋروكوميسسيا باسشىسى جان-كلود يۋنكەر مەن سەسيليا مالسمسترەم جاقىن كۇندەرى ۋاشينگتونعا رەسمي ساپارمەن بارماق. وندا ولار اقش پرەزيدەنتى دونالد ترامپپەن ترانساتلانتيكالىق ساۋدا ماسەلەلەرىن تالقىلاماق.

“The Qazaq Times”