يزرايل پارلامەنتى داۋلى زاڭ قابىلدادى

يزرايل پارلامەنتى يزرايل مەملەكەتىنىڭ ۇلتتىق سيپاتى تۋرالى داۋلى زاڭ قابىلدادى. اتالعان زاڭعا 62 دەپۋتات داۋىس بەرىپ، 55-ءى قارسى شىققان. بۇل تۋرالى DW اگەنتتىگى حابارلايدى.

زاڭدا "يزرايل — ەۆرەي حالقىنىڭ تاريحي وتانى، ۇلتتىق ءوزىن-ءوزى تانۋ قۇقىعىنا تەك ەۆرەي حالقى يە. ال يۆريت ءتىلى — مەملەكەتتىڭ بىردەن-ءبىر رەسمي ءتىلى بولىپ تابىلادى. يەرۋساليم — ەل استاناسى. ال، ەۆرەي ەلدىمەكەندەرىنىڭ دامۋى مەملەكەتتىك ماڭىزدى مىندەت بولىپ سانالادى. سونىمەن قاتار، اراب ءتىلى بولاشاقتا مەملەكەتتىك قۇرىلىمداردا قولدانىلاتىن «ارنايى مارتەبە» الدى" - دەلىنگەن. «يزرايل — بۇل ەۆرەي حالقىنىڭ ۇلتتىق مەملەكەتى. ءبىز بارلىق ازاماتتارىمىزدىڭ قۇقىعىنا قۇرمەت كورسەتەمىز»، - دەگەن يزرايل پرەمەرى بينيامين نەتانياحۋ زاڭ قابىلدانعاننان كەيىن. سونىمەن قاتار، اراب ۇلتتى دەپۋتاتتار وسى زاڭدى ناسىلشىلدىك دەپ اتاپ، ونىڭ قابىلدانۋىن «دەموكراتيانىڭ جويىلۋى» دەپ سانايتىندارىن مالىمدەدى. ايتا كەتەيىك، اراب حالقى يزرايل تۇرعىندارىنىڭ شامامەن 20%-ىن قۇرايدى.

“The Qazaq Times”