تۇركىمەنستاندا ءسپيرتتى ىشىمدىكتەر ساتىلىمىنا تىيىم سالىندى

 تۇركىمەنستاننىڭ اشحابات پەن وزگە دە اكىمشىلىك ورتالىقتارىندا الكوگولدى ىشىمدىك ساتىلىمىنا تىيىم سالىندى. «ازاتتىق» راديوسىنىڭ تۇرىكمەن قىزمەتىنىڭ حابارلاۋىنشا، تۇرىكمەن بيلىگى ساۋدا نۇكتەلەرىنەن ءسپيرتتى ىشىمدىكتەردى الىپ تاستاۋ جۇمىستارىن جۇرىزۋدە.

الكوگولدى ىشىمدىكتەردىڭ ساتىلىمىمەن كۇرەس 5 شىلدە كۇنى قابىلدانعان «2018-2024 جج. تۇركىمەنستانداعى ءسپيرتتى ىشىمدىكتەردىڭ زياندى اسەرىنىڭ الدىن الۋعا ارنالعان ۇلتتىق باعدارلاما» اياسىندا باستالعان. 8 شىلدە كۇنى تۇركىمەنستان استاناسىنداعى جەكەمەنشىك دۇكەندەردىڭ جاپپاي جابىلا باستالعانى تۋرالى حابارلانعان ەدى. نەگىزى، تۇرىكمەن بيلىگى  وسىنداي شارانى 2017 جىلدىڭ جازىندا اشحابادتا وتكەن كۇرەس ونەرى مەن V ازيالىق ويىندار قارساڭىندا دا ەنگىزگەن ەدى. الايدا، كەيبىر رەسمي اقپارات كوزدەرىنىڭ حابارلاۋىنشا، الكوگولدى ونىمدەر ساتىلىمىنا ەنگىزىلگەن وسىنداي تىيىمدار زاڭ بۇزۋشىلىققا سەبەپ بولعان. ەندى، بيلىك ءسپيرتتى ونىمدەردىڭ زاڭسىز ساتىلۋىمەن دە كۇرەس جۇرگىزۋگە نيەتتى.

“The Qazaq Times”