فوتو: جان-كلود يۋنكەر

2020 جىلعا قاراي ەۋروپا وداعىنىڭ سىرتقى شەكارالارىنا ون مىڭ شەكاراشى ورنالاستىرىلماق. بۇل تۋرالى ەۋروپالىق كوميسسيانىڭ توراعاسى جان-كلود يۋنكەر حابارلادى، دەپ جازادى "worldbulletin.net".

«بۇل ەۋروپا كەڭەسىنىڭ ماڭىزدى شەشىمى. العاشقى ۋاقىتتا 2027 جىلعا قاتىستى شەشىمدەر قاراستىرىلعان، ەندى 2020 جىل ءۇشىن قارار بەردىك. قازىرگىدەي قيىن شاقتاردا ەۋروپا وداعىنا ناقتى شەشىمدەر قابىلداۋ كەرەك بولدى»، - دەگەن ەۋروكوميسسيا باسشىسى.

ونىڭ سوزىنشە، بۇل شەشىم بوسقىندار ماسەلەسىنە قاتىستى، اسىرەسە سولتۇستىك افريكادا قۇرۋ جاعى ويلاستىرىلعان بوسقىندار ورتالىعىن باقىلاۋعا قاتىستى بولماق.

ەسكە سالايىق، ەو سامميتىندە گەرمانيانىڭ "ەۋرووداق افريكا ەلدەرىمەن بوسقىندار ماسەلەسى تۋرالى كەلىسۋى كەرەك" دەگەن ۇستانىمىنا قولداۋ كورسەتىلگەن ەدى. سونىمەن قاتار، تۇركيانىڭ دا بوسقىنداردى قابىلداۋ تۋرالى وسىنداي كەلىسىمشارتى قاراستىرىلدى. ال، مىسىر ەلى مۇنداي ورتالىقتىڭ قۇرىلۋىنا بىردەن قارسىلىق بىلدىرگەن. سوڭعى ايلاردا زاڭسىز بوسقىندار ماسەلەسى ەۋرووداقتا كوپ داعدارىس تۋىنداتىپ جاتقانى بەلگىلى. ايتا كەتۋ كەرەك، اۆستريا مەن يتاليا بوسقىندارعا قارسى بىردەن قارسى شىققان ەدى.

 “The Qazaq Times”