Фото: Жан-Клод Юнкер

2020 жылға қарай Еуропа Одағының сыртқы шекараларына он мың шекарашы орналастырылмақ. Бұл туралы Еуропалық комиссияның төрағасы Жан-Клод Юнкер хабарлады, деп жазады "worldbulletin.net".

«Бұл Еуропа кеңесінің маңызды шешімі. Алғашқы уақытта 2027 жылға қатысты шешімдер қарастырылған, енді 2020 жыл үшін қарар бердік. Қазіргідей қиын шақтарда Еуропа одағына нақты шешімдер қабылдау керек болды», - деген Еурокомиссия басшысы.

Оның сөзінше, бұл шешім босқындар мәселесіне қатысты, әсіресе Солтүстік Африкада құру жағы ойластырылған босқындар орталығын бақылауға қатысты болмақ.

Еске салайық, ЕО саммитінде Германияның "Еуроодақ Африка елдерімен босқындар мәселесі туралы келісуі керек" деген ұстанымына қолдау көрсетілген еді. Сонымен қатар, Түркияның да босқындарды қабылдау туралы осындай келісімшарты қарастырылды. Ал, Мысыр елі мұндай орталықтың құрылуына бірден қарсылық білдірген. Соңғы айларда заңсыз босқындар мәселесі Еуроодақта көп дағдарыс туындатып жатқаны белгілі. Айта кету керек, Австрия мен Италия босқындарға қарсы бірден қарсы шыққан еді.

 “The Qazaq Times”