ترامپ ماكرونعا ەۋرووداقتان شىعۋ جونىندە ۇسىنىس جاساعان

اقش پرەزيدەنتى دونالد ترامپ فرانتسيا باسشىسى ەممانۋەل ماكرونعا ەۋرووداقتان شىعۋ جونىندە ۇسىنىس جاسادى – دەپ حابارلايدى The Washington Post گازەتى.

باسىلىم مالىمەتىنشە، دونالد ترامپ ەممانۋەل ماكرونمەن ءساۋىر ايىندا سوڭىندا اق ۇيدە وتكەن كەزدەسۋىندە فرانتسيا پرەزيدەنتىنە ەۋرووداقتان شىعۋ جونىندە ۇسىنىس جاساعان. وندا ول ماكرونعا ەگەر فرانتسيا ەۋرووداقتان شىعاتىن بولسا، ۋاشينگتون پاريجبەن جەڭىلدەتىلگەن جۇيە بويىنشا ەكى جاقتىق ساۋدا-ەكونوميكالىق بايلانىس ورناتۋعا دايىن ەكەندىگىن ايتقان.

ەستەرىڭىزگە سالايىق، بۇعان دەيىن باق بەتتەرىندە شىلدە ايىندا دونالد ترامپتىڭ ەۋروپاعا ساپارى باستالاتىندىعى جونىندە اقپارات تاراعان. اتالمىش ساپاردا ترامپ ناتو سامميتىنە قاتىسىپ، حەلسينك قالاسىندا رەسەي پرەزيدەنتى ۆلاديمير پۋتينمەن كەزدەسەدى دەپ كۇتىلۋدە.

“The Qazaq Times”