اساد رەجيمى مەن يران ءسۇريانىڭ وڭتۇستىگىندە وپەراتسياعا دايىندالۋدا

اقش-تىڭ ەسكەرتۋىنە قاراماستان باشار اساد رەجيمى ءسۇريانىڭ وڭتۇستىگىندەگى دەرا قالاسىندا اسكەري وپەراتسيالارعا دايىندالۋدا. بۇل تۋرالى «liberation.fr» اقپارات كوزى حابارلايدى.

اقپارات كوزدەرىنىڭ مالىمەتتەرىنە قاراعاندا، شابۋىلدى قولداۋ ماقساتىندا، يراندىق اسكەريلەر ايماقتان شىققان سياقتى كورىنگەنمەن، وزدەرى اساد رەجيمىنىڭ اسكەريلەرىمەن كۇش بىرىكتىرگەن. 18 ماۋسىمدا، اساد كۇشتەرى وڭتۇستىك باعىتتان شابۋىل جاساعان. سونىمەن قاتار، مامىر ايىنىڭ سوڭىندا يراندىق اسكەريلەر بىرقاتار باعىتتاعى پوزيتسيالارى مەن باسشىلىق ورتالىقتاردى بوساتىپ، شىققان. الايدا، ولار بۇل ارەكەتكە يزرايل مەن يوردانيا تاراپىنىڭ قىسىمىمەن بارعان دەگەن دە بولجام بار. وسىدان كەيىن يراندىق اسكەريلەر اساد رەجيمىمەن بىرلەسكەن.

بۇۇ-نىڭ مالىمەتىنشە، ءسۇريادا 2011 جىلى باستالعان قاقتىعىس 400 مىڭ ادامنىڭ ءومىرىن جالماعان. 10 ميلليوننان استام ادام ءوز ۇيلەرىن تاستاپ كەتۋگە ءماجبۇر بولعان ەكەن.

“The Qazaq Times”