اۋعانستان پوليتسياسى. فوتو: انادولى.

اۋعانستاننىڭ كانداحار پروۆينتسياسىندا تاليبان ۇيىمى قۇرىلىس جۇمىسشىلارىن بارىمتالادى. تاليبان قارۋلى توپتارى مەن پوليتسيا قىزمەتكەرلەرى اراسىندا قاقتىعىس بولىپ، 4 پوليتسەي وققا ۇشتى. بۇل تۋرالى اۋعانستاننىڭ مەملەكەتتىك ارنالارى حابارلادى.

جەرگىلىكتى اكىمشىلىكتىڭ بەرگەن مالىمەتىنە قاراعاندا، تاليبان قارۋلى توبى كانداحاردىڭ ساين-بۋلدەك اۋدانىنداعى جول قۇرىلىس كومپانياسىنىڭ جۇمىسشىلارىنا شابۋىل جاساپ، 13 تەحنيكپەن بىرگە 20 جۇمىسشىنى بارىمتالاعان.

جۇمىسشىلاردى قۇتقارۋعا كەلگەن پوليتسيا قىزمەتكەرلەرىمەن اتىستا 4 پوليتسەي قازا تاۋىپ، ەكى ادام جاراقات العان. تاليبان تارابىنان ولگەندەر مەن جارالانعاندار تۋرالى مالىمەت جوق. قازىر كانداحارداعى قاۋىپسىزدىك كۇشتەرى جۇمىسشىلاردى قۇتقارۋ وپەراتسياسىنا دايىندالىپ جاتىر.

“The Qazaq Times”