رەسەيدىڭ وقۋ-جاتتىعۋى. فوتو: Sputnik International.

رەسەيدىڭ قورعانىس ءمينيسترى سەرگەي شويگۋ ناتو-نىڭ رەسەيگە جاقىن شەكارادا اسكەرلەر سانىن 7 ەسەگە كوبەيتكەنىن سىنعا الدى. بۇل تۋرالى "انادولى" اقپاراتتىق اگەنتتىگى حابارلادى.

سەرگەي شويگۋ سوزىندە: "پولشا مەن بالتىق جاعالاۋى ەلدەرىندە "رەسەي قاۋپى" دەگەن سىلتاۋمەن ناتو كۇشتەرى 2 مىڭنان 15 مىڭعا دەيىن كوبەيدى", – دەدى.

وسىدان بۇرىن پولشادا اقش اسكەري بازاسى قۇرىلاتىنى ءمالىم بولعان. بۇل قادام پولشا تارابىنىڭ اقش لاۋازىمدىلارىنا جاساعان ءوتىنىشى نەگىزىندە جۇزەگە اسپاق. ءتىپتى، اقش-تىڭ ەكى بىردەي اسكەري بازاسىن قۇرۋ جانە وعان اقش اسكەرلەرىن ورنالاستىرۋ ءۇشىن پولشا ۇكىمەتى دە قارجىلاي كومەك بەرمەك.

جاز جانە كۇز ايلارىندا رەسەي جاقىن شىعىس ەۋروپا جەرلەرىندە ناتو-نىڭ سوڭعى جىلدارداعى ەڭ اۋقىمدى اسكەري جاتتىعۋلارى وتكىزىلمەك. ءوز كەزەگىندە رەسەي تارابى: "بۇل قادامدار رەسەيدى قارسى شارالار قولدانۋعا ماجبۇرلەيدى", – دەگەن مالىمدەمە جاساعان.

“The Qazaq Times”