اقش-تا تۇڭعىش رەت عارىش ارمياسى قۇرىلدى

ەكى كۇن بۇرىن، اقش ۇلتتىق عارىش كوميسسياسى اق ۇيدە كەزدەسۋ وتكىزدى. اقش پرەزيدەنتى دونالد ترامپ  جينالىستا: «اقش-تىڭ عارىش كەڭىستىگىندە بولۋى جەتكىلىكسىز، ءبىزدىڭ عارىشتىق كۇشتەرىمىز قالايدا ۇستەم بولۋى كەرەك»، – دەدى. ول جانە قۇراما شتات قارۋلى كۇشتەرىنىڭ التىنشى ارمياسىن عارىش ارمياسى ەتىپ قۇرۋعا بۇيرىق بەردى. بۇل تۋرالى VOA اقپاراتى حابارلادى.

عارىش ارمياسىن قۇرۋدى ترامپتان بۇرىنعى دا اقش پرەزيدەنتتەرى ورتاعا قويعان. باستامانى قولداۋشىلاردىڭ ايتۋىنشا، بۇل پەنتاگوننىڭ قۇزىرەتىن ارتتىرا تۇسەدى. دەگەنمەن، كەيبىر اسكەري شەندىلەر اراسىندا اتالعان باستامانى سىنعا العاندار دا بولدى. ولار جاڭا اسكەري قىزمەتتى جولعا قويۋ، باسقا باعىتتارعا باستايتىنىن ايتادى.

اقش قارۋلى كۇشتەرىنىڭ قازىرگى بەس نەگىزگى قىزمەتى – قۇرلىق ارمياسى، تەڭىز ارمياسى، تەڭىز ارمياسىنىڭ قۇرلىق قوسىنى، اۋە ارمياسى، تەڭىز جاعالاۋىن قورعاۋشى قوسىندار بولىپ بولىنەدى. بۇعان دەيىن عارىشپەن بايلانىس نەمەسە باسقا باعىتتاعى جۇمىستاردى اسكەري-اۋە كۇشتەرىنىڭ قاراماعىندا بولىپ كەلگەن.

قورعانىس ءمينيسترى جەيمس مەتتيس بۇعان دەيىن عارىش ارمياسىنىڭ قۇرىلۋىنا قارسى بولىپ كەلگەن. ول بىلتىر قازان ايىندا سەناتتىڭ اسكەري كوميتەتىنە حات جازىپ، اسكەري باسقارۋ شىعىندارىن قىسقارتىپ، وپەراتسيالىق كۇش-جىگەردى بىرىكتىرۋگە تۋرالى ۇسىنىس جاساعان. 

Reuters اگەنتتىگىنىڭ حابارىنا قاراعاندا، پەنتاگون ترامپتىڭ بۇيرىعىنا ءالى جاۋاپ بەرمەگەن. دەگەنمەن، قاتىستى لاۋازىمدىلاردىڭ ايتۋىنشا، قورعانىس مينيسترلىگى اق ءۇيدىڭ ۇستانىمىن بۇلجىتپاي ورىندايدى.

عارىشتىق كۇشتەردى قۇرۋ كونگرەسكە جاڭا بيۋدجەت بەكىتۋدى تالاپ ەتەدى. بۇل ماسەلەدە ءالى دە قارسى پىكىرلەردىڭ بولاتىنىن بىلدىرەدى.

ال، پرەزيدەنت ترومپ بولسا، بۇل باستامامەن قاتار عارىشتىق ترافيكتى باسقارۋدى جانە عارىشتىق قوقىستى تازارتۋدى كۇشەيتۋ بويىنشا «عارىشتىق ساياسات تۋرالى ديرەكتيۆاعا» قول قويدى.

“The Qazaq Times”