جاپونيا كۇشتى جەر سىلكىنىسىنەن زارداپ شەكتى

كەشە جاپونيادا كۇشتى جەر سىلكىنىسى اپاتىنان 3 ادام قازا بولىپ، جارالانعاندار سانى 300-دەن استى. سىلكىنىس قۋاتى 6,1 بالعا جەتكەن. بۇل تۋرالى جاپون باق-تارى حابارلادى.

حابارعا قاراعاندا، ءزىلزالانىڭ وساكانىڭ سولتۇستىگىندە، 13 شاقىرىم تەرەڭدىكتەگى جەر قىرتىسىندا پايدا بولعان. تابيعي اپات سالدارىنان بىرنەشە قالادا اۋە جانە قۇرلىق قاتىناستارى توقتاعان.

وساكا مەن ەل ورتالىعى توكيو اراسىندا قاتىنايتىن 60-تان استام جۇردەك پويىز توقتاتىلدى. 100 مىڭنان استام تۇرعىن ءۇيدىڭ تابيعي گاز جەلىسى بۇلىنگەن. سىلكىنىس وشاعىنا جاقىن قالالاردا سۋ قۇبىرلارى جارىلىپ، قالانى سۋ باسقان.

“The Qazaq Times”