ماكەدونيانىڭ اتاۋىنا قاتىستى شەشىم اقىرى نارازىلىق شارالارىنا ۇلاستى

ماكەدونيا استاناسى سكوپەدە جاپپاي قارسىلىق شارالارى ورىن الدى. قارسىلىق شاراسىنا شىعۋشىلاردىڭ باستى نارازىلىقتارى — ەل اتاۋىنىڭ جاڭاشا، ياعني «سولتۇستىك ماكەدونيا» دەپ اتالۋى. 

قارسىلىق ناۋقانى كەزىندە ءتارتىپ ساقشىلارىمەن ارادا قاقتىعىس ورىن الىپ، سالدارىنان 10 ادامعا جادەل جاردەم كومەگى كورسەتىلگەن. ال، 11 ادام قۇقىق قورعاۋشىلار تاراپىنان قاماۋعا الىندى. قارسىلىق كەزىندە ولار پارلامەنت عيماراتىنىڭ قورشاۋىن بۇزىپ، ءتارتىپ ساقشىلارىنا تاس جانە پەتەردالار جاۋدىرعان.  پوليتسەيلەر دە ءوز كەزەگىندە ولارعا قارسى كوز جاساۋراتاتىن گاز بەن گراناتالار قولدانعان.

ەستەرىڭىزگە سالا كەتسەك، 17 ماۋسىم كۇنى گرەكيا مەن ماكەدونيا بۇرىنعى يۋگوسلاۆيا رەسپۋبليكاسىن "سولتۇستىك ماكەدونيا" دەپ وزگەرتۋ تۋرالى كەلىسىمە قول قويعان ەدى.

 “The Qazaq Times”