يران پوليتسەيلەرى. فوتو: Sputnik International.

يراننىڭ قاۋىپسىزدىكتى ساقتاۋ كۇشتەرى رەسەيدە ءوتىپ جاتقان فۋتبولدان الەم چەمپيوناتى كەزىندە قاۋىپسىزدىك پەن ءتارتىپ ساقتاۋ ءۇشىن رەسەي قاۋىپسىزدىك كۇشتەرىنە كومەككە بارادى. بۇل تۋرالى IRNA اقپاراتتىق اگەنتتىگى حابارلادى.

ير قاۋىپسىزدىك كۇشتەرىنىڭ وكىلى جاساعان مالىمدەمەدە: «يران پوليتسەيلەرىنەن تالدانىپ الىنعان تاجريبەلى ماماندار رەسەيگە ارىپتەستىكتى نىعايتۋ، فۋتبول الەم چەمپيوناتى كەزىندەگى ءتارتىپ پەن قاۋىپسىزدىكتى قامتاماسىز ەتۋ، وسى سالادا تاجىريبە الماسۋ ءۇشىن جىبەرىلەتىن بولادى»، – دەدى.

مالىمەتكە قاراعاندا، يراننىڭ رەسەيگە جىبەرگەن قاۋىپسىزدىك كۇشتەرى كۇتپەگەن جاعدايلار كەزىندە رەسەي پوليتسيا تاراۋلارىمەن بىرلەسكەن وپەراتسيالار جاسايدى. سونداي-اق، الەم چەمپيوناتىنا قاتىساتىن جانە كورۋگە بارعان يراندىقتاردىڭ قاۋىپسىزدىگىن قامتاماسىز ەتپەك.

“The Qazaq Times”