فوتو: شافكات ميرزياەۆ

وزبەكستان پرەزيدەنتى شافكات ميرزياەۆ 12 ماۋسىم كۇنى رامازان ايىنىڭ قۇرمەتىنە باس بوستاندىعىنان ايىرىلعاندارعا قاتىستى جارلىققا قول قويدى، - دەپ حابارلايدى وزبەكستان پرەزيدەنتىنىڭ ءباسپاسوز قىزمەتى.

راحىمشىلىققا ىلىككەن 226 وزبەك ازاماتىنىڭ ارقايسىسى ءارتۇرلى مەرزىمگە باس بوستاندىقتارىنان ايىرىلعان. ولاردىڭ ءبارى دە ءتۇرلى دەڭگەيدە قىلمىستار جاساعانمەن، ىستەگەن ىستەرىنە وكىنۋشىلىكتەرىن ءبىلدىرىپ جانە تۋرا جولعا تۇسەتىندىكتەرىنە ۋادە ەتكەن. پرەزيدەنت جارلىعىنا سايكەس، راحىمشىلىق جاسالعان 226 سوتتالۋشىنىڭ 102-ءسى جازالارىنان تولىقتاي قۇتىلادى، ال 71-ءى شارتتى تۇردە مەرزىمىنەن بۇرىن بوساتىلادى. ال، قالعان 39-نىڭ جازالارى جەڭىلدەتىلگەن. سونىمەن قاتار، 14 سوتتالۋشىنىڭ جازا مەرزىمدەرى قىسقارتىلعان. ايتا كەتەتىن جايت، بۇدان بۇرىنعى وسىنداي راحىمشىلىق شارالارى كونستيتۋتسيا كۇنى مەن تاۋەلسىزدىك كۇندەرىنە وراي جاسالعان ەدى.

“The Qazaq Times”