![](https://qazaqtimes.com/kk/content/uploads/2017/02/2AA76F2D00000578-3171132-image-a-55_1437586645953-800x480.jpg?token=77f0a3c3a0bc66ece68d9c3ae7ba0cdb)
اقش پرەزيدەنتى دونالد ترامپ، 4 اقپان كۇنگى سويلەگەن سوزىندە، اقش-تا جۇمىسپەن قامتۋ جانە ەكونوميكانى ىنتالاندىرۋ شارالارى ءوز ءونىمىن كورسەتە باستاعانىن، الايدا، اقش جاعدايىن جاقسارتۋ ءۇشىن قوسىمشا جۇمىس اشۋ كەرەكتىگىن اتاپ ءوتتى. بۇل تۋرالى World.Xinhua08 حابارلايدى.
قۇراما شتاتتارداعى وزىنە دەگەن قارسىلىقتاردىڭ، حالىقارالىق قىسىمداردىڭ ءورشىپ تۇرعانىنا قاراماستان، پرەزيدەنت ترامپ اقش ەكونوميكاسىن العا ىلگەرلەتۋگە ىنتالى. اقش ازاماتتارىن جۇمىسپەن قامتۋ، ەلدىڭ ەكونوميكالىق ءوسىمىن جانداندىرۋ – ترامپ بيلىگىنىڭ پرەزيدەنت سايلاۋىندا بەرگەن ۋادەلەرىنىڭ ءبىرى. امەريكا مۇددەسىن قورعاۋ ماقساتىندا جاساعان شەشىمدەرى حالىقارادا، ەلى ىشىندە ءار ءتۇرلى قارسىلىقتارعا ۇشىراپ جاتسا دا، ترامپ مىرزا ءوز ساياساتىن باتىل جالعاستىراتىنىن اشىق ايتىپ كەتتى.
قاڭتار ايىنداعى جۇمىسپەن قامتۋ كورسەتكىشىنە قاراعاندا اقش-تا جۇمىسپەن قامتۋ مولشەرى جوعارلايدى دەپ كۇتىلۋدە. جەكەلەگەن تۇلعالاردى بىرىكتىرە وتىرىپ، جۇمىسپەن قامتۋ شاراسى ءونىمىن بەرگەن. پەرەزيدەنت تراپم مىرزا ەل ەكونوميكاسى تىڭ تەبىنمەن ارتادى دەپ سەنىپ وتىر. ول مالىمدەمەسىندە ۇكىمەت جاساپ جاتقان شارالارعا توقتالدى. ايتالىق، بيزنەس جانە جۇمىسپەن قامتۋدى باسقارۋ ەلەمەنتتەرىن، ەكونوميكالىق باقىلاۋ شارالارىن جاڭارتقان.
اقش ەڭبەك دەپارتەمەنتىنىڭ ديرەكتورى 3 اقپانداعى مالىمدەمەسىندە، قاڭتار ايىنداعى اۋىل شارۋاشىلىعىنا جاتپايتىن سەكتورلاردان سانى 227 مىڭعا جەتىپ، ەكونوميكانىڭ ورلەۋ تەبىنىن تانىتقانىن ايتتى. بۇل كورسەتكىش وتكەن جىلى 187 مىڭدى كورسەتكەن ەكەن. كوپ جۇمىس كۇشىن بىرىكتىرۋ جانە جۇمىسپەن قامتۋ شاراسى ارقىلى وتكەن ايداعى 4,7 پايىز كورسەتكىشتەن، 4,8 پايىزدىق كورسەتكىشكە وسكەن.
“The Qazaq Times”