ناتو ۇيىمى سوڭعى جىلداردا بولىپ كورمەگەن اۋقىمدى اسكەري وقۋ-جاتتىعۋعا دايىندالۋدا. كەزەكتى جاتتىعۋعا ناتو-نىڭ 29 وداقتاس ەلدەرى قاتىسادى.

«Trident Juncture 18» دەپ اتالاتىن بۇل جاتتىعۋ قازان، قاراشا ايلارىندا بولماق. قازىر بارلىق ناتو مۇشەلەرى قاۋرىت دايىندىققا وتكەنىن ناتو مالىمدەمەشىسى حابارلادى.

ادميرال جەيمس فوگگو ناتو شتاب-پاتەرىندە جاساعان مالىمدەمەسىندە، «Trident Juncture 18» جاتتىعۋىنا ناتو-عا مۇشە ەمەس فينليانديا، شۆەتسيا ەلدەرى دە قاتىساتىنىن ايتتى.

مالىمدەمەگە سايكەس، جاتتىعۋعا 40 مىڭنان استام جاۋىنگەر قاتىسادى. بۇل قانداي دا ءبىر سوعىس قاۋپى تۋعان جاعدايدا، ناتو مۇشەلەرىنىڭ بىرىگىپ قورعانۋ قابىلەتىن سىناۋعا باعىتتالادى.

“The Qazaq Times”