فوتو: smi44.ru

ەلىمىزدىڭ سىرتقى ىستەر مينيسترلىگىنىڭ وكىلدەرى قازاقستان مەن قىتاي  اراسىندا ۆيزاسىز رەجيم ورنادى دەگەن مالىمەتكە قاتىستى تۇسىنىكتەمە بەردى. ولاردىڭ ايتۋىنشا، بۇل اقپارات جاڭساق ءارى شىندىققا جاناسپايدى.

وسىدان بىرەر كۇن بۇرىن الەۋمەتتىك جەلىلەردە قازاقستان مەن قىتاي ەلدەرى ۆيزالىق جۇيەدەن باس تارتتى دەگەن حابار تاراعان ەدى. ەلىمىزدىڭ سىرتقى ىستەر مينيسترلىگى اتالعان مالىمەتتى جاريا قىلعان ادامدار مىندەتتى تۇردە جاۋاپكەرشىلىككە تارتىلادى دەيدى. ويتكەنى، مۇنداي مالىمەت ەشبىر شىندىققا جاناسپايدى دەپ وتىر. سوزدەرىنشە، قازىر قوس ەل اراسىندا ۆيزا مەرزىمىن ۇزارتۋعا بايلانىستى كەلىسسوزدەر ءجۇرىپ جاتىر ەكەن. الايدا ولار ەكى مەملەكەت اراسىندا بۇدان-بىلاي ۆيزا بولمايدى دەگەندى جوققا شىعارىپ وتىر.

“The Qazaq Times”