فوتو: باشار اساد

ءسۇريا اراب رەسپۋبليكاسىنىڭ پرەزيدەنتى باشار اساد سۇرياداعى قاقتىعىستىڭ جالعاسۋىنا باتىس ەلدەرى جاۋاپتى دەپ مالىمدەدى. ءسۇريا پرەزيدەنتى بۇل تۋرالى 10 ماۋسىم كۇنى Daily Mail باسىلىمىنا بەرگەن سۇحباتىندا ايتقان، دەپ حابارلايدى «evrensel.net» اگەنتتىگى.

«قاقتىعىستى ءبىر جىلدىڭ ىشىندە رەتتەي الامىز دەپ ۇنەمى ايتىپ كەلەمىن. بۇل اسا قيىن شارۋا ەمەس. بىراق ونى سىرتقى كيلىگۋلەر قيىنداتۋدا. ءبىز وسى ماسەلەدە العا جىلجىعان سايىن، باتىس تا تەرروريستەرگە ۇلكەن قولداۋ كورسەتۋدە»، - دەدى اساد. ول سۇريالىق زاڭدى بيلىك ساياسي جانە اسكەري تۇرعىدان نەعۇرلىم جەتىستىككە جەتسە، باتىس، اسىرەسە اقش، ۇلىبريتانيا جانە فرانتسيا سوعۇرلىم قاقتىعىستى سوزىپ ءارى ونىڭ رەتتەلۋىن بارىنشا الىستاتۋدا، - دەپ ناقتىلادى.

نەگىزىندە، باشار اسادتىڭ سۇرياداعى جاعدايعا كىنالىنى باتىس ەلدەرىنەن، اسىرەسە اقش-تان كورەتىنى، ەلدەگى تەررورلىق توپتارعا تىكەلەي قولداۋ كورسەتەدى دەپ كىنانى سىرتتان ىزدەيتىنى ءبىر بۇل ەمەس. سىرت كوزگە دە بەلگىلى، اساد رەجيمى ەلدەگى ازاماتتىق سوعىستى اۋىزدىقتاۋدىڭ ورنىنا، كەرىسىنشە ودان سايىن ۋشىقتىرىپ جاتقانى بەلگىلى. حالىقارالىق ساياسي ساراپشىلار دا اساد ەلدەگى جاعدايدى رەتتەۋدەن گورى، كەرىسىنشە سىرتقى الپاۋىت ەلدەرگە كوبىرەك يەك ارتادى دەگەن پىكىردە.

“The Qazaq Times”