تۇركيا ەۋروپانى قىرىم تۋرالى «ۇمىتپاۋعا» شاقىردى

تۇركيا قىرىمنىڭ رەسەيگە قوسىلۋىن ءالى دە مويىندامايدى، ال انكارا ۋكرايناعا كەز كەلگەن كومەگىن اياماۋعا دايىن. بۇل تۋرالى تۇركيانىڭ سىرتقى ىستەر ءمينيسترى مەۆليۋت چاۆۋشوگلۋ مالىمدەدى، دەپ حابارلايدى Yeni Safak.

ءمينيستردىڭ سوزىنشە، ەو-قا مۇشە كەيبىر ەلدەر قىرىمدا «بولعان» وقيعا تۋرالى ەستەن شىعارا باستادى. سوندىقتان دا، ولار ۋكراينادا ورىن الىپ جاتقان وقيعالار ءۇشىن جاۋاپتى. «ەگەر قىرىم تۋرالى بۇگىن ۇمىتىپ، ال ەرتەڭ ۋكراينادا قانداي دا ءبىر جاعداي ورىن السا، ونىڭ بارىنە سەندەر جاۋاپ بەرەتىن بولاسىڭدار»، - دەپ مالىمدەدى چاۆۋشوگلۋ.

ەسكە سالا كەتەيىك، 2014 رەفەرەندۋم ناتيجەسىندە قىرىم رەسەيدىڭ قۇرامىنا وتكەن ەدى. سول ۋاقىتتا تۇرعىندارىنىڭ باسىم كوپشىلىگى ۋكراينانىڭ قۇرامىنان شىعۋعا داۋىس بەرگەن بولاتىن. ال، رەسەي بيلىگى قىرىم رف-نىڭ قۇرامىنا ماڭگىلىككە ءوتتى، ال بۇل ماسەلەن ەشكىممەن تالقىلانبايدى، - دەگەن ەدى.

 “The Qazaq Times”