Фото: meydan.com.tr

Түркия Қырымның Ресейге қосылуын әлі де мойындамайды, ал Анкара Украинаға кез келген көмегін аямауға дайын. Бұл туралы Түркияның Сыртқы істер министрі Мевлют Чавушоглу мәлімдеді, деп хабарлайды Yeni Safak.

Министрдің сөзінше, ЕО-қа мүше кейбір елдер Қырымда «болған» оқиға туралы естен шығара бастады. Сондықтан да, олар Украинада орын алып жатқан оқиғалар үшін жауапты. «Егер Қырым туралы бүгін ұмытып, ал ертең Украинада қандай да бір жағдай орын алса, оның бәріне сендер жауап беретін боласыңдар», - деп мәлімдеді Чавушоглу.

Еске сала кетейік, 2014 референдум нәтижесінде Қырым Ресейдің құрамына өткен еді. Сол уақытта тұрғындарының басым көпшілігі Украинаның құрамынан шығуға дауыс берген болатын. Ал, Ресей билігі Қырым РФ-ның құрамына мәңгілікке өтті, ал бұл мәселен ешкіммен талқыланбайды, - деген еді.

 “The Qazaq Times”