فرانتسيادا وقۋشىلاردىڭ سمارتفون قولدانۋىنا تىيىم سالىنباق

فرانتسيا پارلامەنتىنىڭ تومەنگى پالاتاسى ورتا مەكتەپتەردە وقيتىن وقۋشىلاردىڭ سمارتفون قولدانۋىنا تىيىم سالاتىن جاڭ جوباسىن بەكىتتى. بۇل تۋرالى ۆۆس حابارلايدى.

ەل پرەزيدەنتى ەممانيۋەل ماكرون ساياسي دوداعا تۇسەر الدىندا وسىنداي زاڭ جوباسىن ەنگىزەتىنىن ايتىپ، وقۋشىلاردىڭ عالامتورعا ەمەس، وقۋعا دەن قويۋىنا ىقپالداساتىنىن ايتقان ەدى. الايدا وپپوزيتسيا وكىلدەرى اتالعان باستامانى ءىس جۇزىندە جۇزەگە اسىرۋ - قيىن بولادى دەيدى.

2016 جىلى ەلدە جۇرگىزىلگەن ساۋالناما ناتيجەسىندە، فرانتسياداعى جاسوسپىرىمدەردىڭ 90 پايىزى سمارتفون قولداناتىنى انىقتالعان. مەكتەپ مۇعالىمدەرى شاكىرتتەرىنىڭ ساباققا كوڭىل ءبولۋىن دوعارىپ، جاپپاي الەۋمەتتىك  جەلىگە تەلمىرىپ كەتكەنىن ايتىپ، ەل بيلىگىنە شاعىمدانعان ەدى. وسىدان كەيىن، دەپۋتاتتار قوردالانعان بۇل ماسەلەنى تەك زاڭمەن بەكىتىپ، شەشۋگە بولاتىنىن ايتقان.

“The Qazaq Times”