سولتۇستىك كورەيا باسشىسى كيم چەن ىن اقش پرەزيدەنتى دونالد ترامپپەن كەزدەسۋ ءۇشىن امەريكالىق دەلەگاتسيادان تىزەرلەپ وتىرىپ، رۇقسات سۇراعان. بۇل تۋرالى اق ءۇي ادۆوكاتى رۋدولف دجۋلياني "Bloomberg" اگەنتتىگىنە بەرگەن سۇقباتىندا ايتقان.

رۋدولف دجۋلياني

"ولار ءبىزدىڭ ۆيتسە-پرەزيدەنتكە جانە ۇلتتىق قورعانىس جونىندەگى كەڭەسشىمىزگە ءتىل تيگىزدى. ولار يادرولىق سوعىس جاريالاپ، كەسكىلەسكەن ۇرىستا ءبىزدى تالقاندايمىز دەپ سەس كورسەتتى. وسىدان كەيىن ءبىز سامميت وتكىزۋدەن باس تارتتىق. مۇنى ەستىگەن كيم چەن ىن ءبىزدىڭ دەلەگاتسيادان كەزدەسۋ وتكىزۋدەن باس تارتپاۋىمىزدى ءوتىنىپ، تىزەرلەپ وتىرىپ جالىندى" - دەيدى، رۋدولف دجۋلياني.

وتكەن ايدىڭ سوڭىندا ترامپ سولتۇستىك كورەيا باسشىسىنا حات جازىپ، سامميت وتكىزۋدەن باس تارتقانىن مالىمدەگەن ەدى. تاراپتار جيىنى وسىعان دەيىن سينگاپۋردە وتەدى دەپ جوسپارلانعان. الايدا وعان كورەيلىك تاراپ قاتىسپاعاندىقتان، باسقوسۋ تۇبىندە ۇيىمداستىرىلمادى. ەندى، قوس ەل پرەزيدەنتى ىمىرالاسىپ، سيىرقۇيىمشاقتانعان جيىندى اقىرى ىڭ-شىڭسىز وتكىزۋگە ۋاعدالاسقان ەكەن. سوڭعى مالىمەت بويىنشا، تاراپتار 12 ماۋسىم كۇنى سەنتوس ارالىندا جولىقپاق.

“The Qazaq Times”