Еліміздің денсаулық сақтау министрі Елжан Біртанов Қаскелеңдегі инфекциялық аурухананы жауып тастауды тапсырды. Ведомство басшысы науқастардың барлығы қалалық ауруханаға көшіріліп, қажетті жарақтармен жабдықталған палаталарға ауыстырылады деді.

Кеше Қаскелеңдегі инфекциялық аурухананың құлағалы тұрғанын хабарлаған едік. Облыс тұрғындарының бірі емдеу мекемесінің сұрықсыз күйін суретке түсіріп, әлеуметтік желіге салған. Осыдан кейін, денсаулық сақтау министрлігі аурухананы жабу туралы шешім қабылдады. Сондай-ақ, науқастарға қажетті көмек көрсетпегені үшін аталған орталықтың бас дәрігеріне қатысты әкімшілік шара қолданылмақ.

“The Qazaq Times”