كوللاج: “The Qazaq Times”

اقش-تىڭ بۇۇ داعى جاڭا تاعايىندالعان وكىلى نيككي حەيلي ۋكراينانىڭ شىعىسىنداعى “اگرەسسيالىق ارەكەتى” ءۇشىن رەسەيگە سالىنعان سانكتسيالار الىنبايتىنىن ايتتى. ول قىرىم ۋكرايناعا قايتارىلعان كۇنگە دەيىن كۇشىن جويماتىنىن مالىمدەدى. بۇل تۋرالى بي-بي-ءسيدىڭ قىرعىز قىزمەتى جازادى.

ء“بىز رەسەيمەن اراداعى مامىلەنى شىن نيەتىمىزبەن جاقسارتقىمىز كەلەدى. بىراق، ۋكراينانىڭ شىعىسىنداعى اۋىر جاعداي  ۇشىن رەسەيدىڭ ارەكەتىنە اشىق جانە قاتال سىن ايتۋمەن عانا شەكتەلمەيمىز” دەدى نيككي حەيلي بۇۇ-نىڭ قاۋىپسىزدىك كەڭەس جيىنىنداعى العاشقى سوزىندە.

حەيلي ۋاشينگتوننىڭ قىرىمدى ۋكراينانىڭ ءبىر بولىگى دەپ تانيتىنىن ەسكە سالىپ، رەسەيدى ونى تەز بوساتۋعا شاقىردى.

رەسەيدىڭ بۇۇ-داعى وكىلى ۆيتالي چۋركين وسىعان وراي جاۋاپ قايتارىپ، قىرىم تۇرعىندارىنىڭ  رەسەيگە قوسىلۋىن جاقتاپ داۋىس بەرگەنىن كولدەنەڭ تارتتى. اقش-تىڭ دەموكراتيا دەپ جار سالىپ جۇرگەنىن ەسكەرتىپ، قىرىم حالقى رەفەرەندۋم ارقىلى ءوز تاڭداۋىن جاساعانىن ايتتى.

ۋكراينا ەل شىعىسىنداعى قاقتىعىستى بەيبىت جولمەن ەمەس، اسكەري جاڭجالمەن شەشۋگە ارەكەت ەتىپ جاتىر دەدى چۋركين.

سوڭعى كۇندەرى دونباستاعى قاقتىعىس ءورشىپ، وق شىعارۋعا جالعاستى. ءار ەكى جاقتان دا قازا تاپقاندار بار.

2014 جىلى قاڭتاردا اقش-تىڭ بۇرىنعى پرەزيدەنتى باراك وباما رەسەي قىرىمدى اننەكتسيالاپ العاننان كەيىن، ءبىر جىلعا سانكتسيا سالعان ەدى. بۇل سانكتسيالار كەزەڭ-كەزەڭىمەن كۇشەيىپ وتىرعان. امەريكا بيلىگى جاڭجالعا رەدەيدى كىنالاسا، رەسمي ماسكەۋ ول ايىپتى جوققا شىعارىپ كەلەدى.

2016 جىلى جەلتوقساندا ۋاشينگتون اقش-تىڭ پرەزيدەنت سايلاۋى كەزىندە حاكەرلىك شابۋىل جاسادى دەپ، رەسەيگە جاڭا سانكتسيالار ەنگىزگەن. ماسكەۋ بۇنى ءبىر جولا جوققا شىعارعان ەدى. بەيسەنبىدە اقش قارجى مينيسترلەرى كيبەرشابۋىل بويىنشا سالىنعان سانكتسيا كۇشىن جويعانىن مالىمدەگەن.  بىراق، اقۇي وسىعان بايلانىستى رەسەيگە قاراتا ۇستالىپ وتىرعان كوزقاراستىڭ وزگەرمەيتىنىن ءبىلدىردى.

دونالد ترامپ پرەزيدەنتتىك قىزمەتكە كىرىسكەننەن بەرى، رەسەيگە سالىنعان سانكتسيالاردى الىپ تاستاۋ ءسوز بولعان. الايدا، ول سانكتسيالىردىڭ جاقىن ۋاقىتتا الىنا قالۋى ەكىتالاي دەيدى ساراپشىلار.

«The Qazaq Times»