Kollaj: “The Qazaq Times”

AQŞ-tıñ BWW dağı jaña tağayındalğan ökili Nikki Heyli Ukrainanıñ şığısındağı “agressiyalıq äreketi” üşin Reseyge salınğan sankciyalar alınbaytının ayttı. Ol Qırım Ukrainağa qaytarılğan künge deyin küşin joymatının mälimdedi. Bwl turalı Bi-Bi-Sidiñ qırğız qızmeti jazadı.

“Biz Reseymen aradağı mämileni şın nietimizben jaqsartqımız keledi. Biraq, Ukrainanıñ şığısındağı auır jağday  üşin Reseydiñ äreketine aşıq jäne qatal sın aytumen ğana şektelmeymiz” dedi Nikki Heyli BWW-nıñ Qauipsizdik Keñes jiınındağı alğaşqı sözinde.

Heyli Uaşingtonnıñ Qırımdı Ukrainanıñ bir böligi dep tanitının eske salıp, Reseydi onı tez bosatuğa şaqırdı.

Reseydiñ BWW-dağı ökili Vitaliy Çurkin osığan oray jauap qaytarıp, Qırım twrğındarınıñ  Reseyge qosıluın jaqtap dauıs bergenin köldeneñ tarttı. AQŞ-tıñ demokratiya dep jar salıp jürgenin eskertip, Qırım halqı referendum arqılı öz tañdauın jasağanın ayttı.

Ukraina el şığısındağı qaqtığıstı beybit jolmen emes, äskeri jañjalmen şeşuge äreket etip jatır dedi Çurkin.

Soñğı künderi Donbastağı qaqtığıs örşip, oq şığaruğa jalğastı. Är eki jaqtan da qaza tapqandar bar.

2014 jılı qañtarda AQŞ-tıñ bwrınğı prezidenti Barak Obama Resey Qırımdı annekciyalap alğannan keyin, bir jılğa sankciya salğan edi. Bwl sankciyalar kezeñ-kezeñimen küşeyip otırğan. Amerika biligi jañjalğa Redeydi kinälasa, resmi Mäskeu ol ayıptı joqqa şığarıp keledi.

2016 jılı jeltoqsanda Uaşington AQŞ-tıñ prezident saylauı kezinde hakerlik şabuıl jasadı dep, Reseyge jaña sankciyalar engizgen. Mäskeu bwnı bir jola joqqa şığarğan edi. Beysenbide AQŞ qarjı ministrleri kiberşabuıl boyınşa salınğan sankciya küşin joyğanın mälimdegen.  Biraq, Aqüy osığan baylanıstı Reseyge qarata wstalıp otırğan közqarastıñ özgermeytinin bildirdi.

Donald Tramp prezidenttik qızmetke kiriskennen beri, Reseyge salınğan sankciyalardı alıp tastau söz bolğan. Alayda, ol sankciyalırdıñ jaqın uaqıtta alına qaluı ekitalay deydi sarapşılar.

«The Qazaq Times»