الەكساندر كليادين. فوتو: REUTERS

قازاقستاندىق شاڭعىشى الەكساندر كوليادين مەملەكەت تاعايىنداعان سىياقىنى جارتى جىلدان بەرى الا الماي ءجۇر. پحەنچحاندا وتكەن قىسقى پاراوليمپيادا ويىندارىندا التىن مەدال يەلەنگەن سپورتشى بيلىكتەگىلەردىڭ ءتۇرلى سىلتاۋىنان ابدەن مەزى بولعان. بۇل تۋرالى tengrinews.kz پورتالى حابارلايدى.

كولياديننىڭ سوزىنشە، ءدۇبىرلى دودادان كەيىن قوستاناي وبلىسىنىڭ اكىمى شاڭعىشىعا جەڭىسى ءۇشىن 1 ملن تەڭگە سىياقى بەرىپتى. ال، مەملەكەتتەن تاعايىندالعان 250 مىڭ دوللاردى ءالى الا الماي ءجۇر ەكەن. جاۋاپتىلارعا جۇگىنسە، "اقشاڭدى بۇگىن-ەرتەڭ اۋدارامىز" دەگەن جەلەۋمەن ءتۇرلى سىلتاۋ ايتىپ، سپورتشىنى تۇلكىبۇلاڭعا سالىپ كەلەدى.

وسى تۇستا، پورتال تىلشىلەرى مادەني جانە سپورت مينيسترلىگىنە سۇراۋ سالعان ەكەن. ونداعىلار سپورتشىعا تيەسىلى قاراجات كەلەسى اپتادا اۋدارىلادى دەپ سەندىرىپتى.

“The Qazaq Times”