كەشە، 31 مامىر كۇنى گرۋزيانىڭ استاناسى تبيليسيدە مىڭداعان ادامنان قۇرالعان نارازىلىق شاراسى ءوتتى. نارازىلىق شاراسىنا شىعۋشىلاردىڭ باستى تالاپتارى — ۇكىمەتتىڭ كەتۋى.

نارازىلىققا شىعۋشىلاردىڭ بۇل ارەكەتتەرىنە 2017 جىلعى توبەلەس كەزىندە جاس جىگىتتىڭ ءولتىرىلۋى سەبەپ بولعان، دەپ حابارلايدى گرۋزيانىڭ «apsny.ge» اگەنتتىگى. ميتينگكە قاتىسۋشىلار تەرگەۋ قورىتىندىلارىنا نارازى، سونىمەن قاتار ولار ەل پرەزيدەنتى گەورگي مارگۆەلاشۆيليدى قاتارلارىنا قوسىلۋعا شاقىردى. نارازىلىق شاراسىنا بىرنەشە ميلليون ادام قاتىستى.

ەسكە سالايىق، 12 مامىردا گرۋزيانىڭ ءتارتىپ ساقشىلارى ءتبيليسيدىڭ ەڭ تانىمال ەكى تۇنگى كلۋبىندا اۋقىمدى وپەراتسيا جۇرگىزگەن ەدى. وپەراتسيا ناتيجەسىندە ەسىرتكى ساۋداسىنا قاتىسى بار سەگىز ادام تۇتقىندالعان. اتالعان ارنايى وپەراتسيا قالا كوشەلەرىندە تارتىپسىزدىك جاساۋشىلاردى ودان سايىن ارانداتىپ، نارازى قالالىقتار پارلامەنت عيماراتىنا جينالعان.

“The Qazaq Times”