بەيجىڭ بيلىگى اقش سوعىس كەمەلەرىن ايىپتادى. فوتو: South China Morning Post.

قىتاي تارابى اقش-تىڭ سوعىس كەمەلەرىنە نارازىلىق ءبىلدىردى. قىتاي رەسميلەرىنىڭ مالىمدەمەسىندە، اقش-تىڭ اسكەري كەمەلەرى شيشا توپ ارالى ماڭىنداعى جابىق تەڭىز ايدىنىنا زاڭسىز كىردى دەلىنگەن. بۇل ايىپتاۋلاردى قىتايدىڭ سىرتقى ىستەر مينيسترلىگى جانە قورعانىس مينيسترلىگى قاتار جاسادى. سونداي-اق، بۇل ارەكەتتى پروۆوكاتسيا دەپ اتاپ، ۋاشينگتون تارابىنان بۇنداي ارەكەتتى تەز ارادا توقتاتۋدى سۇرادى. مالىمدەمە تۋرالى «People» باسىلىمى حابارلاعان.

مالىمدەمەدە كورسەتىلۋىنگشە، اقش تەڭىز كۇشتەرىنە قاراستى «Higgins» جانە  «Antietam» اتتى سوعىس كەمەلەرى اتالمىش ايماققا ءوز بەتىمەن كىرگەن. قىتاي ءسىم وكىلى لۋ كاڭ بۇل تۋرالى جازباشا مالىمدەمە جاسادى. ول بەيجىڭ بيلىگىنىڭ بۇل ارەكەتكە مۇلدە قارسى ەكەنىن ءبىلدىردى.

قىتاي ءسىم-ءى مەن قورعانىس مينيسترلىگىنىڭ مالىمدەمەلەرىندە، بەيجىڭ تارابى قحر-نىڭ ەگەمەندىك جانە تەرريتوريا قاۋىپسىزدىگى ءۇشىن قاجەتتى قادامدارعا بارا الاتىنىن ەسكەرتتى.

ايتا كەتەيىك، قىتايدىڭ وڭتۇستىك قىتاي تەڭىزىندەگى داۋلى ماسەلەلەردە وسى ايماقپەن شەكتەسەتىن ەلدەرمەن جانە اۋستراليا، اقش سىندى تىنىق مۇحيتقا شەكتەسەتىن ەلدەرمەن قايشىلىقتارعا قالىپ وتىر. جاقىندا عانا اقش تارابى قىتايدىڭ اتالعان تەڭىزدەگى ميليتاريزاتسياسى مەن وزگە دە ارتىق قادامدارىن قابىلداي المايتىنىن جەتكىزگەن. بەيجىڭ مەن ۋاششينگتون اراسىنداعى ساۋدا جانە ديپلوماتيا قايشىلىعى اسكەري ىستەرگە قاراي ويىسا تۇسۋدە.

“The Qazaq Times”